Finweek - Afrikaans 7-Apr-16

as ’n geheime referendum vandag in Egipte gehou moet word, wonder ek hoeveel Egiptenare nog ten gunste sal wees van die uitsetting van pres. Hosni Moebarak, wat in 2011 uit sy amp geboender is, of die land se eerste demokraties verkose president, Mohamed Morsi, wat in 2013 uitgeskop is. Egiptenare is waarskynlik nog beter as ons met politieke en ekonomiese aktiwiteit wat teen ons boemerang. Die impak kan duidelik gesien word in hul toerismebedryf, ’n belangrike sektor van daardie ekonomie en groot bydraer tot werkverskaffing en buitelandse valuta. Maandelikse besoekers het gedaal van ’n hoogtepunt van 1,5 miljoen in Oktober 2010 tot 440 000 in Desember verlede jaar, volgens Tradingeconomics.com. En besoekers wat nie reeds afgeskrik is deur die politieke onrus van die twee revolusies nie, dink nou beslis twee…

innovasie is die hoeksteen van ’n welvarende ekonomie. Kyk na die spinmasjien wat James Hargreaves in 1764 uitgevind het. Dit was ’n eenvoudige toestel wat werkers toegelaat het om produktiewer te wees in die vervaardiging van garingdraad: In plaas daarvan om die draad net een-een te spin, kon werker agt rolle tegelyk spin. Verdere ontwikkeling het dit tot 120 verhoog. (Die ekwivalent vandag sou wees as iemand jou ’n kode wys wat ure van data-invoer skielik verminder tot die druk van ’n enkele sleutel.) Een van die basiese vrae in die ekonomie moet wees hoe die samelewing innoverings soos die spinmasjien (of daardie program) aanmoedig. Ons sal die merkwaardige oplewing in menslike welvaart met die nywerheidsrevolusie altyd bespreek, maar ’n nuwe geslag van ekonomiegeskiedkundiges sê dit was nie die gewone…

in die swart sakegemeenskap is daar vertroue dat die Kommissie vir Swart Ekonomiese Bemagtiging (BEEC), wat aan die einde van verlede jaar opgerig is, tot die einde van frontmaatskappye gaan lei. Dié waghond se waarnemende kommissaris, Zodwa Ntuli, het belowe om dié euwel uit te roei – waar die skyn geskep word dat swart sakelui besig is om ryk te word, net om later te blyk dat die meeste van die rykdom aan die wit eienaars gaan wat die toutjies in die donker trek. Die kernfaktor by frontmaatskappye is ’n opsetlike poging om swart mense uit te sluit sodat hulle nie in aandelebesit, bestuurstrukture en die voorraadkettings van nywerhede deelneem nie. Gevolglik is swart betrokkenheid in die ekonomie steeds droewig laag, 20 jaar ná apartheid. Hoewel sommige mense beweer die…

“Ek het nie met die adjunkpresident vergader nie – trouens, ek het hom jare laas gesien. Ek het oor die openbare nuusuitsendings van mnr. Gordhan se aanstelling gehoor. [ . . . ] In elk geval, as ek met mnr. Ramaphosa of enige ander politikus vergader het, wat sou fout gewees het daarmee? Keer ons terug na die donker dae van diktatorskap en vrees?” Die miljardêr-sakeman Johann Rupert in ’n onderhoud met die Sunday Times oor bewerings dat hy adjunkpresident Cyril Ramaphosa sou aangesê het om pres. Jacob Zuma te oorreed om Pravin Gordhan in Desember ná die skokkende afdanking van Nhlanhla Nene as minister van finansies aan te stel. Rupert het Zuma op 23 Maart openlik versoek om uit te tree, wat daartoe gelei het dat Zuma se seun…

as ’n mens die ontwikkeling van betaling van kontant na tjekboeke na kredietkaarte en nou e-beursies in ag neem, is dit moontlik dat al hoe meer mense binnekort betalings regstreeks uit hul aanlyn bankrekening sal doen. Só meen Thomas Pays, stigter van die innovasietegnologieonderneming i-Pay Payments Solutions. Suid-Afrikaners kan met hierdie kontantlose betalingsdiens deur elektroniese geldoordrag vir aanlyn inkopies betaal. i-Pay beplan om eenstap-betalings vanaf enige ligging aan te bied, met die gebruik van mobiele toestelle soos ’n slimfoon, skootrekenaar of tablet, sê Pays. Hulle beplan om binne die volgende ses maande betalings met elektroniese oordragte in te stel deur i-Pay by fisieke verkoopspunte te bied. Dit sal soortgelyk werk aan Apple Pay in Amerika, wat aftasting gebruik om betalings te doen. Pays reken daar sal oor tien jaar nie…

hokaai maar oor die herlewing in gediversifiseerde mynbouaandele. Ná die vinnige wegspring van vanjaar waarin Anglo American met meer as 100% gestyg en Glencore en BHP Billiton onderskeidelik 45% en 26% hoër is, is remme aangeslaan met die skerp toename in Chinese bedrywighede, wat vele meen die aandele se prys opgejaag het. Luidens ’n verslag deur Goldman Sachs sal lenings in China – wat aandui hoeveel wesenlike ekonomiese aktiwiteit waarskynlik in die afsienbare toekoms sal plaasvind – waarskynlik afplat. En Januarie se toename in die prys van staal én ystererts is bloot aan ’n sameloop van omstandighede te danke. Finansiering in die geheel in China het in Februarie 780 miljard yuan – sowat $120 miljard – bedra volgens die People’s Bank of China, vergeleke met ’n mediaanvoorspelling van 1,84 duisend…