Finweek - Afrikaans 16-mar-17

moenie te veel waarde heg aan Eskom se pogings om verskaffers van hernubare energie daarvoor te verkwalik dat hy verplig is om in die komende jare ’n aantal steenkoolaangedrewe kragstasies te sluit nie. Dis hoog tyd dat die houvas op elektrisiteitsopwekking en -verspreiding deur die skandaalgedrewe nutsmaatskappy, wat danksy reusewaarborge van die regering voortgaan, verslap word. Moneyweb berig dat Eskom planne sal verhaas om vier kragstasies te sluit om vir onafhanklike kragprodusente voorsiening te maak omdat die elektrisiteitsvraag nie styg nie. Die departement van energie dwing Eskom om die jongste ronde verskaffingskontrakte met onafhanklike kragprodusente te onderteken; Eskom wil dit nie doen nie en kla oor hoë koste. (Sinici sal wonder of die onwilligheid om meer hernubare krag by die netwerk te voeg dalk meer met daardie lonende steenkoolverskaffing- en…

’n Politieke spel van Russiese roulette speel hom tans in Suid-Afrika af en die gevaar hier is oorgerustheid en ’n aanvaarding dat “skietlustige” politici die nuwe norm is. Hierdie spel het talle fasette. In Desember 2015 was dit die ekonomiese en politieke slag van die sogenoemde Nenegate. Enorme skade is veroorsaak toe die land op die rand van ’n fiskale afgrond was – een waarheen ons sedertdien telkemale teruggedwing word. Openbare Beskermer bedreig Spring na 2016 en die hoogste hof in die land moes die konstitusionele magte van ’n instelling bevestig wat in hierdie era van straffeloosheid stellig een van die belangrikste buffers teen staatsplundering en wanbestuur geword het – die kantoor van die Openbare Beskermer. Twee belangrike ondersoeke deur dié kantoor het die vonk verskaf vir die politieke veldbrand…

“ALMAL IS SO HONGER. DIT IS ASOF ONS ’N STUK STEAK VOOR ’N KLOMP HONGER MENSE OPHANG.” − Joseph Triepke, stigter van die navorsingsmaatskappy Infill Thinking vir die olie-en-gas-bedryf, in ’n onderhoud met Bloomberg oor die oplewing wat olieveld-diensteondernemings in Amerika ervaar danksy ’n herlewing van die skaliegasbedryf. Olie het tot sowat $55 per vaatjie herstel ná laagtepunte van tot $26 vroeg in 2016, ofskoon steeds sowat die helfte van wat dit was voordat die prys in 2014 in duie gestort het. “HULLE ROOK SEKER IETS.” − Serge Belamant, uitvoerende hoofvan Cash Paymaster Services (CPS), het in ’n onderhoud met eNCA gesê geen ander maatskappy het die vermoë om maatskaplike toelaes teen 1 April te betaal nie. Die konstitusionele hof het in 2014 beslis die oorspronklike ooreenkoms met CPS, wat…

sowat 25% van die kinders wat graad 1 by ’n staatskool in Suid-Afrika begin, slaag nie matriek nie en 80% van die leerlinge wat hul skoolopvoeding aan ’n staatskool voltooi, dop hul eerste jaar op universiteit. 80% van die leerlinge wat hul skoolopvoeding aan ’n staatskool voltooi, dop hul eerste jaar op universiteit. “Eerstejaarstudente skiet tekort aan intellektuele nuuskierigheid en soepelheid – eienskappe wat belangrike deugde is vir die leerproses,” sê Candess Kostopoulos, wat die afgelope tien jaar filosofielesse gee en ook onderwysfilosofie en -teorie op universiteitsvlak doseer. Sy skryf die tekort toe aan die feit dat kinders nie genoeg ruimte gegee word om met intellektuele nuuskierigheid en soepelheid om te gaan en dit toe te pas nie. Navorsing toon dat kinders wat onderrig in filosofie ontvang, spesifiek in kritiese…

south32 is een van die versigtigste gediversifiseerde mynmaatskappye op die Johannesburgse Effektebeurs, veral wat betref die bestuur van sy kontant, wat na verwagting voor sy jaareinde op 30 Junie meer as $1 miljard sal bedra. Die maatskappy is egter ontwykend oor wat hy beoog om naas sy huidige dividendbeleid, naamlik om ná kapitaalbesteding 40% van sy onderliggende verdienste uit te keer, met sy oortollige kontant te doen. Ontleders meen ’n aandeleterugkoop is moontlik. Verlede maand het South32 tussentydse wesensverdienste per aandeel van 11,6 Amerikaanse sent aangekondig, vergeleke met ’n verlies van 6 sent per aandeel in die vorige boekjaar, waarin hy ’n bateverswakking van $1,7 miljard aangeteken het. Vrye kontantvloei het $626 miljoen bedra, wat die netto kontant te staan gebring het op $859 miljoen, waaruit hy die tussentydse dividend…

Wat die fondsbestuurder sê: Beleggers kan vanjaar soortgelyke markwisselvalligheid en effens beter reële opbrengs as in die afgelope twee jaar verwag, sê Roger Williams, fondsbestuurder van die Centaur BCI Flexible Fund. Dit is danksy die verwagting van bestendige plaaslike rentekoerse en verbeterende ekonomiese groei, wat tot ’n verbetering in winsgewendheid kan lei. “Ons is gunstig teenoor wisselvalligheid, want dit skep markverwarring wat dit vir skerpsinnige aandeleselekteerders moontlik maak om hoëgehaltemaatskappye teen minder as hul wesenlike waarde te koop,” sê Williams. “Centaur se beste prestasie is behaal ná uiterste wisselvalligheid, toe ons die beste aandele uitgesoek het wat herstel het nadat die wisselvalligheid afgeneem het.” Die fonds is vir beleggers met ’n matige- tot hoërisiko-profiel en wat ’n belastingdoeltreffende belegging vereis. Volgens Williams is dit ideaal vir beleggers wat hoë reële…