Finweek - Afrikaans 20-Apr-17

goeie nuus laat my nie dikwels bedruk voel nie, maar om vandeesweek te lees dat Amerika 15 miljoen werksgeleenthede kon skep sedert die einde van die finansiële krisis, en werkloosheid sedert laat 2009 gehalveer het, laat ’n bitter smaak in my mond. Die jongste Amerikaanse indiensnemingsyfers toon ’n werkloosheidskoers van 4,5% en traer groei in werkskepping, asook kommer oor lustelose loongroei – maar dít klink na lekker probleme om te hê. Amerika se ekonomiese ommekeer kan grootliks aan fiskale en monetêre beleidsbesluite toegeskryf word: ’n toename in staatsbesteding, al het dit beteken groter tekorte is opgeloop, ’n verlaging in rentekoerse tot byna nul persent en die inpomp van miljarde dollars in die ekonomie deur die kwantitatiewe verruimingsprogram. Daarteenoor was Suid-Afrika se storie in onlangse jare een van werkverliese, negatiewe BBP-groei…

v ra mense uit oor die gevare van Twitter en hulle sal dalk wys op onlangse uitlatings deur ’n vooraanstaande Suid- Afrikaanse politikus as bewys dat die gevare veel groter as die voordele is. Maar sulke waarskuwings keer baie ander mense, vernaamlik die president van Amerika, nie om gereeld te twiet nie: Twitter-gebruikers skep meer as 500 miljoen twiete per dag en in die laaste kwartaal van verlede jaar het dié platform sowat 2 miljoen nuwe gebruikers gekry. Dié vloedgolf inligting hou vermoedelik waarde in. Ongelukkig vir aandeelhouers sukkel Twitter om dié groei na wins om te skakel: in die laaste kwartaal van verlede jaar was sy inkomstestyging net 1%. Maar omdat hy die openbare sentiment op ’n baie granulêre vlak vasvang, kry hy belangstelling van wetenskaplikes sowel as entrepreneurs…

die afgelope weke is beleggers op hol gejaag deur drie woorde: “Radikale ekonomiese transformasie” het die slagspreuk geword van voorstanders van die onlangse kabinetskommeling, wat sommige finansiële markte laer laat spiraal en tot Standard & Poor’s en Fitch se afgradering van Suid-Afrika se skuld tot rommelstatus gelei het. President Jacob Zuma sê sy nuut saamgestelde kabinet, waardeur 10 ministers en 10 adjunkministers geraak is, sal radikale ekonomiese transformasie (RET) aanvoor. Die graderingsagentskappe beskou dit as ’n teken dat Suid-Afrika se ekonomiese beleid grootliks sal verander, ’n vooruitsig wat beleggers senuagtig maak en vrese laat ontstaan oor ’n uittog van kapitaal, stygende rentekoerse en moontlik ’n resessie. Sedert die kabinetskommeling word RET druk bespreek. Die skeptici sê RET is ’n populistiese slagspreuk, ontwerp om ’n piepklein regerende elite en hul meelopers…

“ONS IS NIE ’N ROMMELLAND NIE, ONS HET ’N ROMMELPRESIDENT, EN ONS SAL DIE ROMMEL VERWYDER SODAT SUID-AFRIKA KAN FLOREER.” − Mmusi Maimane, DA-leier, in ’n toespraak op 7 April voor die Uniegebou ná ’n anti-Zuma-optog. Maimane het hom aangesluit by die betoging in Pretoria wat deur gemeenskapsorganisasies gereël is nadat hy die DA se optog in Johannesburg gelei het. “Die enigste rede waarom hy soontoe gestuur is, was om die ondersoek na bedrog en korrupsie by Prasa te stop.” − Popo Molefe, herstelde voorsitter van die Passasierspooragentskap van Suid-Afrika (Prasa), in sy kommentaar aan The Huffington Post oor die aanstelling van Collins Letsoalo as waarnemende uitvoerende hoof. Die minister van vervoer, Dipuo Peters, het die hele dingse hooggeregshof Peters se besluit om die direksie te ontbind ter syde gestel.…

seshonderd drie en sestig miljoen mense wêreldwyd gebruik drinkwater uit bronne wat geensins verbeter is nie; verreweg die meeste van hierdie mense woon in Afrika suid van die Sahara. Dit is luidens ’n 2016-verslag van die Wêreldgesondheidsorganisasie (WHO) en Unicef Voor die stigting van I-Drop Water (I-Drop) het James Steere by ’n Amerikaanse maatskappy gewerk wat watersuiweringstegnologie ontwikkel en ’n bepaalde tipe van dié tegnologie na die Suider-Afrikaanse mark probeer bring het. Die uitdaging met die tegnologie wat hulle ontwikkel het, was dat ofskoon dit “briljant, doeltreffend, redelik goedkoop en ideaal geskik vir Afrika” was, dit baie moeilik was om die koste laag genoeg te maak vir die mark wat dit die nodigste gehad het, verduidelik Steere. Intussen het die mark in Afrika ’n desperate behoefte aan ’n oplossing vir…

? 663 miljoen mense is van onverbeterde waterbronne afhanklik. Hiervan is 159 miljoen mense van oppervlakwater afhanklik. ? Wêreldwyd gebruik minstens 1,8 miljard mense ’n drinkwaterbron wat met ontlasting besmet is. ? Besmette water kan siektes soos diarree, cholera, disenterie, ingewandskoors en polio veroorsaak. ? Besmette drinkwater veroorsaak na raming 502 000 sterftes weens diarree per jaar. ? Teen 2025 sal die helfte van die wêreldbevolking in gebiede woon waar waterbronne onder druk is. ? In lae- en middelinkomstelande het 38% van die gesondheidsgeriewe nie verbeterde waterbronne nie, 19% het nie verbeterde sanitasie nie en 35% het nie water en seep om hande te was nie. BRON: Wêreldgesondheidsorganisasie – November 2016…