Finweek - Afrikaans 18-may-17

twee berigte wat min aandag gekry het, het my vandeesweek opgeval. Albei bevat kommerwekkende tekens vir beleggersvertroue. Die eerste was Moneyweb se berig oor Transnet se effekteveiling op 8 Mei waar die semistaatsinstelling R200 miljoen se effekte wou verkoop. Hy het twee botte van altesame R40 miljoen gekry en uiteindelik net R10 miljoen se effekte uitgereik. Van die R600 miljoen wat Transnet ná die afdanking van Pravin Gordhan as minister van finansies met sy drie veilings wou verkry, het hy volgens Moneyweb net R55 miljoen, of 9%, verkry. Gegewe die agterstand met infrastruktuurinvestering en Transnet se belangrike logistieke rol in die ekonomie, kan hierdie nie goeie nuus wees nie. Futuregrowth Asset Management het verlede jaar kwaai onder skoot gekom toe hy gesê het dat hy weens bestuurskwellings nie meer effekte…

een van die dinge wat ek ná my huwelik gou besef het, is dat ek en my vrou heel verskillende strategieë het as dit kom by kruideniersware-inkopies doen. Ek hou daarvan om voorraad op te berg, om grootmaat goedkoop te koop, terwyl sy verkies om dikwels na die winkel te gaan en net die noodsaaklike artikels vir die volgende paar dae te koop. Dit beteken natuurlik dat ons altyd blikkieskos het, maar dikwels nie melk nie. Sulke keuses is die kern van die ekonomie. Om te verstaan hoe, waarom en wanneer ’n koper ’n produk of diens kies, maak dikwels die verskil tussen ’n suksesvolle of ’n mislukte besigheid. Dit is waarom elke suksesvolle firma, van banke tot gesondheidsversekering tot mobiele kommunikasiemaatskappye, deesdae baie geld bestee aan die ontleding van…

“EK GAAN EERS AGTEROORSIT EN KYK HOE LYK ’N KLOMP KONTANT.” − Whitey Basson, voormalige uitvoerende hoof van Shoprite, skerts in ’n onderhoud met Netwerk24 oor die 8,7 miljoen aandele ter waarde van R1,8 miljard wat hy aan die maatskappy terugverkoop het. Hy het aan die einde van Junie verlede jaar 9,1 miljoen aandelaar verhandel het, sê Business Day. Shoprite sê die transaksie sal sy rentekoste met R144 miljoen per jaar verhoog. “Ons moet ’n proses van radikale sosiaal-ekonomiese vryheid onderneem. Die rykdom van hierdie land moet gedeel word. Dit sal gebeur of sommige mense daarvan hou of nie.” − Adjunkpresident Cyril Ramaphosa aan ’n groep ANCkaders op 7 Mei in Grahamstad, waardeur hy sy veldtog vir die ANC-presidentskap versterk het. Hy het bygevoeg dat grond teruggegee moet word aan…

die Sentrum vir Omgewingsregte (CER), wat groepe soos Earthlife Africa insluit, het onlangs ’n paar spreekwoordelike knuppels in die hoenderhok van die Suid-Afrikaanse steenkoolmynsektor gegooi. In Maart het hy ’n belangrike saak in die hooggeregshof gewen toe Exxaro Resources sy termiesesteenkoolprojek by Thabazimbi moes staak totdat hy kon bewys dat die uitwerking daarvan op klimaatsverandering deeglik ondersoek is. Hy het ook die stryd aangeknoop ná Anglo American se besluit om sy plaaslike termiese-steenkoolmyne, dié wat aan Eskom voorsien, aan ’n pasgestigte konsortium in swart besit, Seriti Resources, te verkoop. Die CER het die Brits-genoteerde groep versoek om dokumente, insluitend sy mynrehabilitasie asook maatskaplike en arbeidsplanne vir die myne wat hy wou verkoop, rugbaar te maak sodat hy Seriti Resources verantwoordelik kan hou. Die vrees is dat ’n kleiner maatskappy met…

daar is sommer heelparty sake waaroor die gemiddelde Britse kieser begaan is, soos die nasionale gesondheidsdiens en die behuisingstekort, maar dit is duidelik dat net een saak die verkiesing van 8 Junie gaan oorheers: die uittrede van Brittanje as lid van die Europese Unie. Die verkiesing word dan ook gesien as ’n mandaat wat aan premier Theresa May se nuwe regering gegee gaan word om dié uiters moeilike kwessie te kan hanteer. In die onlangse parlement het die regering ’n meerderheid van net 17 gehad, terwyl ’n meerderheid LP’s eintlik pro-EU is. Dit beteken dat slegs ’n klein verskuiwing van 2,6% in stemming onder die 650 lede sou meebring dat die mat herhaaldelik onder haar regering uitgepluk sou kon word in omstrede sake. Die Liberaal-Demokratiese Party is die sterkste ondersteuner…

KOOP VER KOOP HOU Hierdie onlangse – en baie klein – notering spring op die onderwyswa en hoop om die volgende Curro te wees. Hy is egter veel kleiner en het nie ’n groot aandeelhouer soos Curro met PSG nie, en sal sukkel om die nodige geld vir uitbreiding te kry. Die onlangse aankondiging dat hy dalk Pembury se ses aftreeoorde sal koop, is interessant, en ek verkies eerlikwaar dié deel van die onderneming. Dit kan ook met die kontantvloei help, want hulle is moontlik volwasse, winsgewende ondernemings. Maar terwyl hy in die warm onderwysomgewing is, bly grootte die probleem – nie net die grootte van sy bestaande onderwysaanbieding nie, maar ook die aandeel se beperkte grootte. Met ’n markkapitalisasie van net sowat R300 miljoen oorweeg geen groot institusionele belegger ’n…