Finweek - Afrikaans 29-Mar-18

Daar is ’n ou gesegde dat as Amerika nies, Suid-Afrika verkoue kry. Ons is daarom gelukkig dat die Amerikaanse ekonomie een van die langste tydperke van uitbreiding in sy geskiedenis ondervind, want dit help om die uitwerking te verklein van baie van die selfgemaakte ekonomiese terugslae wat ons die laaste jare ervaar het. Dit lyk beslis of Amerika volstoom loop. Dit was op ’n onlangse besoek aan Seattle opvallend hoeveel winkels en restaurante werknemers soek om aan te stel, wat wys hoe ’n werkloosheidskoers van 4,1%, die laagste vlak sedert 2000, lyk. Belangrike aandelemarkte verhandel naby rekordvlakke; rentekoerse is steeds op histories lae vlakke; en dit lyk of daar min kommer bestaan dat die ekonomie sal oorverhit. Tog is alles nie net maklik in die land van Donald Trump nie,…

Ons almal hoop om lang en gelukkige lewens te lei. En ons gun dit vir ander mense ook. Wanneer daar dus ’n mediese deurbraak is wat ons in staat stel om die lyding van andere te verlig, sal amper almal saamstem dat so ’n middel algemeen beskikbaar gestel moet word aan diegene wat dit die meeste nodig het. Opiaatmisbruik laat 42 000 Amerikaners jaarliks sterf. Opiate is ’n klas medisyne wat gewoonlik voorgeskryf word om pyn te verlig, maar baie pasiënte ontwikkel verslawings wat lei tot die onwettige gebruik van voorskrifmedisyne of selfs goedkoper alternatiewe, soos heroïne. Opiaat-misbruik het oor die afgelope dekade bestendig bly toeneem en is nou die oorsaak van meer as twee derdes van alle sterftes weens dwelmoordosisse. Hoe om dié stygende neiging te beëindig en te…

“KYK OP NA DIE STERRE, NIE AF NA JOU VOETE NIE.” Stephen Hawking Britse fisikus – Britse fisikus Stephen Hawking, wat op 14 Maart in die ouderdom van 76 jaar oorlede is, het hierdie raad aan sy drie kinders, Lucy, Robert en Tim, gegee en in 2010 in ’n onderhoud met ABC se Diane Sawyer daaroor gepraat, volgens Time.com. Hawking, wat sy idees oor die ruimte, tyd en die heelal vir die gewone publiek toeganklik gemaak het, het ook gesê: “Werk gee jou betekenis en ’n doel, daarsonder is die lewe leeg.” En: “As jy gelukkig is om liefde te vind, onthou dit is daar en moet dit nie weggooi nie.” “SOMS GROEI HIERDIE MAATSKAPPYE SO VINNIG EN KRY HULLE SOVEEL GOEIE PUBLISITEIT DAT HULLE VERSOT WORD OP HULSELF, EN…

Minderheidsaandeelhouers in Exxaro Resources het verlede jaar ’n oorwinning in die kleine gevier toe hulle die maatskappy se bestuur verplig het om die struktuur van ’n SEBtransaksie (swart ekonomiese bemagtiging) te verander. In ruil vir die ondersteuning van die transaksie, het Exxaro se uitvoerende hoof, Mxolisi Mgojo, en die voormalige uitvoerende hoof, Sipho Nkosi, ingestem om veranderings aan te bring sodat hulle nie die struktuur beheer nie waarvolgens die grootste enkele blok van die maatskappy se aandele besit word. Die transaksie het ’n meerderheid van 75% vereis en het dit net-net behaal met 77,6%. Dus was daar ’n algehele sug van verligting. Die misnoeë prut egter stilletjies voort. Ontleders het tydens Exxaro se jaareinde-aanbieding vroeër vandeesmaand gevra wat die transaksie se voordele was. En toe die maatskappy ambisieuse planne onthul…

David Brown, uitvoerende hoof van MC Mining (MCM) – voorheen Coal of Africa – sê hy is deesdae baie gelukkiger. “Daar was ’n algehele verandering in die maatskappy. Bykans al die erfeniskwessies is opgelos en as ons nog ’n kontantgenereerder kan verkry, sal ons selfonderhoudend wees,” het hy in ’n onderhoud met finweek gesê. Die erfeniskwessies was, in ’n neutedop, onwinsgewende steenkoolmyne, groot skuld en ’n oorvloed aandele nadat die maatskappy keer op keer finansiering by aandeelhouers verkry het. Die meeste niekernmyne is verkoop, die skuld – hoofsaaklik aan Rio Tinto – is iets van die verlede, en daar was ’n aandeelkonsolidasie van 20:1. ’n Naamsverandering was die kersie op die koek. Brown het ook afgesien van groot ambiseuse planne vir ’n kookssteenkoolmyn van $500 miljoen in Limpopo en het…

Wat die fondsbestuurder sê Tegnologie-aandele maak nie meer ’n nisbelegging uit nie, omdat hulle beurse nou oorheers as vooraanstaande wêreldwye multinasionale maatskappye. Inligtingstegnologie-aandele vorm nou die grootste sektor van die S&P 500 met ’n geraamde gewig van 25%. Om tegnologie-aandele uit portefeuljes te sluit, word nou beskou as ’n al hoe meer riskante besluit, en Sygnia voel dat hierdie situasie vanjaar en in die toekoms sal voortduur, sê Anthonie Lombard, portefeulje-ontleder by Sygnia Batebestuur. “Die groot omvang van hierdie deurbrake [dit wil sê van die Vierde Nywerheidsrevolusie] gaan amper elke aspek van ons lewens ontwrig en kan vir die res van jou lewe jou vermoë om ’n inkomste te verdien of jou menslike kapitaal beïnvloed. Belegging in hierdie fonds sal dus ’n natuurlike verskansing wees as dit ’n werklikheid word,”…