Finweek - Afrikaans 05-oct-17

daar is min in die sakewêreld wat my soveel boei as om die verskil te sien wat ’n bestuurspan aan die voorspoed van ’n maatskappy kan maak. Hoewel die uitvoerende hoof gewoonlik die lof (of kritiek) kry, speel die direksie en beherende aandeelhouer ook ’n belangrike rol. Wat dan gemaak van die gemors by die Suid-Afrikaanse Lugdiens (SAL), waar die staat sedert 2008 reeds R23,8 miljard aan waarborge en reddingsfondse spandeer het? Niemand twyfel daaraan dat daar makliker maniere is om geld te maak as om ’n lugdiens te bestuur nie, maar daar is voorbeelde van maatskappye wat wel slaag. Comair is die beste plaaslike voorbeeld; Ethiopian Airlines, nog ’n onderneming in staatsbesit (OSB), die uitblinker op die vasteland. In die 2016-boekjaar, die jongste beskikbaar, het die SAL ’n verlies…

Politiek bepaal die infrastruktuur wat gebou word. En infrastruktuur bepaal die rigting van ekonomiese ontwikkeling. watter tipe infrastruktuur sal die beste vir Suid-Afrika se toekoms wees? Die antwoord hang natuurlik af van jou beskouing. As jy in Gauteng leef en werk, sal jou antwoord waarskynlik wees dat die Gautrein-netwerk uitgebrei moet word. Of as jy in Kaapstad bly, sal jy waarskynlik beleggings in waterontsoutingsaanlegte verkies. Jou beroep mag dalk ook ’n rol speel. As jy ’n mynwerker is, is dit onwaarskynlik dat jy die uitbreiding van hernieubare energie sal steun. ’n Opgeleide sagteware-ingenieur? Dan sal jy waarskynlik groot beleggings in telekommunikasieinfrastruktuur verkies. ’n Belangrike, maar dikwels onderwaardeerde, regeringsrol is om die tipe infrastruktuur te kies wat die land se toekomstige ontwikkelingspad sal bepaal. Dié keuse is egter nooit neutraal nie:…

tegnologie verander die manier waarop finansiële instellings hulle kliënte in Afrika bedien teen ’n vinnige tempo. Wat minder duidelik, maar ewe diepgaande is, is hoe tegnologie-ontwikkeling die organisatoriese struktuur en strategieë van finansiële instellings op die vasteland verander. Die nuwe hibriede- soort vennootskappe wat Afrika se finansiële instellings besig is om te ontwikkel, voorsien die sleutel om te verstaan wat die organisatoriese en strategiese impak is wat vinnige tegnologiese verandering op die kontinent se finansiële sektor het. Nieteenstaande hoe mens dit beskou, is die impak van tegnologie op Afrika oorweldigend transformerend. Tegnologie is deel van Afrika se ontwikkelinglandskap en dryf finansiële insluiting aan deur toegang tot kapitaal te vergroot en ook die vermoë te vergroot om transaksies te doen teen ’n vinniger tempo as ooit vantevore. Die afwesigheid van erfenisbeleggings…

“AS ONS MAATSKAPPYE IN OPENBARE BESIT GOED BESTUUR IS, DOELTREFFEND WAS, EN ’N DUIDELIKE ONTWIKKELINGSMANDAAT GEHAD HET, SOU DAAR GEEN PROBLEEM MET DIE OBKBELEGGING GEWEES HET NIE.” – Ferial Haffaljee, uitvoerende redakteur by HuffPost South Africa, in ’n Twitter-opmerking ná die openbare beswaar wat gevolg het op berigte dat die regering ’n lening van R6 miljard by die Openbare Beleggingskorporasie, wat grootliks namens die pensioenfonds vir staatsamptenare (GEPF) belê, wil hê om die Suid-Afrikaanse Lugdiens (SAL) te red. Die tesourie skarrel om geld te kry om R6,9 miljard se SAL-skuld te betaal wat leners weier om ná 30 September te hernu. “EK VERKIES BEDRYFSMAATSKAPPYE BO ZOMBIE-AANDELE.” – Keith McLachlan, portefeuljebestuurder by AlphaWealth, in ’n onderhoud met Business Day nadat die konstruksiemaatskappy Aveng ’n wesensverlies van R6,7 miljard vir die jaar…

Stel jou die volgende voor: Jy het besluit om jou lewensversekering te verhoog, maar tydens die mediese ondersoek word daar bevind jy het hoë cholesterol. Die versekeringsmaatskappy neem nie in ag dat jy in ’n beter toestand as jou ouderdomsgenote is of dat daar geen geskiedenis van harttoestande in jou familie is nie. Die maatskappy besluit om jou ’n 50%-premie te laat betaal weens die risiko dat jy ’n noodlottige hartaanval kan kry en verloor so in werklikheid jou besigheid. Gelukkig kom die dae van allesdekkende penalisering vir spesifieke gesondheidsmerkers stadig maar seker tot ’n einde, danksy die ontwikkeling van nuwe tegnologie en modelle wat die individualisering van risikobepalings moontlik maak. LifeQ staan aan die voorpunt van innovering op dié gebied, deur verby blote dataversameling te beweeg, wat in elk…

Wat die fondsbestuurder sê: Beleggers wat na stabiele inkomste deur die siklusse soek bykomend tot lae kapitaalvolatiliteit moet die Stanlib Income Fund oorweeg, sê Victor Mphaphuli, fondsbestuurder en Stanlib se medehoof van vaste belegging. “Die fonds bied hoë huidige opbrengs hoër as inflasie met lae volatiliteit,” verduidelik hy. Hy sê dis ’n hoogs gediversifiseerde portefeulje wat in vaste inkomstebeleggings belê soos kontant, effekte, voorkeuraandele, obligasies en geldmarkte. Dit bied ’n hoogs voorspelbare vlak van huidige inkomste en gemiddelde beskerming van kapitaal, afhangend van die beleggingstermyn. Mphaphuli sê sy span se beleggingsfilosofie is gegrond op hulle siening dat die mark ondoeltreffend is. “Hierdie ondoeltreffendheid skep beleggingsgeleenthede wat aktief uitgebuit kan word om verhoogde opbrengs te skep. Die kern hiervan is om die ekonomiese, korporatiewe en aanbod-en-vraag-beginsels te vertolk wat ’n invloed…