Finweek - Afrikaans 14-Dec-17

dt was ’n moeilike jaar om ’n Suid-Afrikaner te wees – BBP per capita daal steeds; werkloosheid en armoede is aan die toeneem; die Wes-Kaap het omtrent niks meer water nie; korrupte politici, staatsamptenare en sakemanne gaan ongehinderd voort met hul kaskenades. Waar ek hier op 6 Desember skryf, hang vooruitsigte vir volgende jaar in groot mate af van wat by die ANC se verkiesingskonferensie gaan gebeur. Talle markkommentators glo ’n algehele Cyril Ramaphosa-oorwinning – waar sy span die Groot Ses-poste in die party verwerf – kan beduidende positiewe hervorming meebring, beleggers- en verbruikersvertroue verhoog, ons help om groter agteruitgang na rommelstatus te vermy en die ekonomie weer aan die gang te kry. Hierdie uitslag lyk egter al hoe meer onwaarskynlik. “Op papier behoort Cyril Ramaphosa te wen,” het een…

op 15 Augustus 1248 het die aartsbiskop van Keulen in Duitsland, die hoeksteen gelê van ’n katedraal wat grootliks deur die burgerlike gemeenskap gefinansier is, en wat 632 jaar sou neem om te voltooi. Hoe is dit moontlik dat ’n gemeenskap die konstruksie van ’n gebou kon finansier wat nie hulle of hulle kinders, of selfs hul kleinkinders, ooit voltooi sou sien nie? Geduld is ’n deug, sê ’n gedig uit die vyfde eeu (“Psychomachia” deur Prudentius), maar ekonome is toenemend vol vetroue dat dit ook ’n sleutelboublok vir ekonomiese vooruitgang is. Twee konsepte is hier relevant. Die eerste is die mate waartoe jy die toekoms in jou besluitneming in ag neem (jou tydvoorkeur). Die tweede is die tydsperiode wat relevant is tot jou huidige besluitneming (jou tydshorison). Geduldige mense…

Toe Suid-Afrika die eerste keer in Oktober 2012 in die WGBI ingesluit is, was die markreaksie gedemp. Dus mag uitsluiting dalk net so marginaal wees. die rand hou aan om Suid-Afrikaners te verstom. Dit het met 3,5% tot R13,67 teen die dollar verstewig net ’n dag ná die gevreesde kredietgraadafgradering wat dit ’n stappie nader geneem het om uit die prestige wêreldeffekte-indeks geskop te word; ’n gebeurtenis wat na verwagting tot geweldige uitvloei van kapitaal sal lei. Die geldeentheid se reaksie was des te meer indrukwekkend gegewe die onverbiddelike golf van slegte nuus die afgelope paar maande oor die ekonomie, die stand van regeringsfinansies en die toenemende politieke onsekerheid in die aanloop tot die ANC se leierskapkonferensie vandeesmaand. Selfs diegene wat voorspel het dat die rand minder sou verswak as…

TELEURSTELLINGS VAN DIE JAAR: Sommige voorheen hooggeagte maatskappye toon dat alles waaraan die Guptas raak, in ’n gemors ontaard. Die reputasies van McKinsey, SAP en KPMG is aan flarde en het weens hul korrupte aktiwiteite saam met wyle Bell Pottinger in die put van openbare afkeer beland. Omdat daar geen rokie sonder vuur is nie, moet MultiChoice ook hier genoem word. BESTE HERSTEL: Edcon sit al ’n ruk lank in finansiële onstuimigheid ná sy skulduitkoop van R25 miljard deur Bain Capital in 2007, wat kritici beskou as ’n strategiese flater wat deur verliese en groeiende rentebetalings ontsier is. Die kleinhandelaar het uiteindelik aangekondig dat hy in ’n beter toestand is, met sy bruto wins wat met 3,8% tot R2 miljard gestyg het nadat hy verlede jaar ’n regrukplan ingestel het…

PackPoint Die aanloop tot ’n vakansie is gewoonlik baie opwindend, maar die inpakkery is geneig om baie van die pret uit die langverwagte vakansie te haal. PackPoint laat jou toe om die vermoeiende taak om die weer te bestudeer, en uit te werk wat om te pak, te delegeer – vir feitlik enige bestemming op die planeet. Deur eenvoudig in te tik waar jy heen gaan, wanneer, vir hoe lank en wat jy alles daar gaan doen, skep die app vir jou ’n eksie-perfeksie paklys met alles wat jy moontlik by jou bestemming kan benodig, gekoördineerd met die klimaat. Die lys kan ook geredigeer en met vriende gedeel word. (Gratis op Android and iOS) Airport + Flight tracker radar Lughawens het oor die laaste klompie jare van basiese terminale met…

Ons probleme is geensins iets van die verlede nie, maar ons kan begin glo dat die lig aan die einde van die tonnel nie ’n trein is nie. daar was twee belangrike gebeurtenisse op die plaaslike markte vanjaar. Eerstens het ons mark uiteindelik uit sy drie jaar lange sywaartse beweging gebreek toe die Top40 in Augustus 50 000 oortref het, voordat hy verder beweeg het tot meer as 55 000. Ek het dit verwag, want as ’n mark lank sywaarts beweeg het, is die uitbreek wat volg altyd hoër. Die logika hiervoor is dat ’n sywaartse mark ’n regstelling in tyd is, teenoor ’n regstelling in prys soos ’n ineenstorting. Terwyl die mark sywaarts gaan, styg aandeelverdienste, en waardasies verbeter dus. Vir afsonderlike aandele was dit ’n gemengde jaar, maar…