Finweek - Afrikaans 08 October 2015

’N BIETJIE VROLIKE NUUS JANA MARAIS, REDAKTEUR VAN FINWEEK, SKRYF: Suid-Afrika is ná vier jaar van agteruitgang weer onder die wêreld se 50 mededingendste lande, volgens die Wêreld-Ekonomiese Forum (WEF) se jongste ranglys – ’n bietjie goeie nuus in ’n tyd waarin byna alle ekonomiese aanwysers in die verkeerde rigting wys. Dié verslag bied altyd interessante leesstof, al is dit net om te sien hoe ver ons agter lande soos Singapoer, Switserland, die Skaninawiese lande en, in ons portuurgroep, lande soos Chili en Maleisië is. Die verbetering van sewe plekke in vanjaar se opname, wat 140 lande ingesluit het, is grootliks danksy die toename in die gebruik van internetbandwydte en die verbetering van ons posisie op die innovasieranglys. Laasgenoemde het my verras, veral met die gehalte van ons wiskunde- en…

GESTEELDE MEESTERWERKE $30 m. Die waarde (R415 miljoen) van twee Picasso-werke wat aan sy stiefdogter Catherine Hutin-Blay terugbesorg is. Volgens haar was die werke gesteel. Die Russiese miljardêr Dmitry Rybolovlev, wat die skilderye – albei portrette van Hutin-Blay se ma, Jacqueline Roque (Picasso se tweede vrou) teruggegee het, sê hy het die werke in 2013 in goeie trou gekoop en was onbewus van die geskil oor eienaarskap. GELD VERLOOR IN NIGERIË R965 m. Soveel het Tiger Brands volgens Business Day op sy belegging in die Nigeriese verkoper van meelblom, pasta en rys Dangote Flour Mills afgeskryf. Tiger Brands het in 2012 byna twee derdes van dié groep vir R1,6 miljard gekoop. Die groep het op 25 September gesê Peter Matlare tree in Desember uit as uitvoerende hoof, wat die aandeelprys…

OM HIER TE WEES EN SY SUKSESSE TE SIEN, GEE MENS ’N IDEE VAN WAT NIGERIË NOG ALLES MOET DOEN. Soms moet mens Nigerië verlaat om dit duidelik te sien en sy vordering te bepaal. Ek skryf op die agtersitplek van ’n motor op ’n hoofpad in Noord-Ethiopië – wat beteken dis ’n brief óór Nigerië, maar nie uit Nigerië nie. Selfs die pad waarop ons ry, vertel die verhaal van twee lande: Waar ons in Nigerië waarskynlik van slaggat na slaggat sou hop terwyl ons die volgende “polisiekontrolepunt” vol vrees afwag, bied Ethiopië ’n gladde pad sonder versperrings, afgesien soms van ’n kalf of donkie. Sedert ek ’n week gelede van Abuja af hierheen gekom het, word ek gedurig aangenaam verras deur die land se oënskynlik gesonde ontwikkeling en…

Suid-Afrika het sy gradering behou as die aantreklikste land in Afrika om in te belê, maar in die wêreld het hy in 2015 van 33 tot 41 gedaal, volgens Rand Merchant Bank se jongste aantreklikheidsindeks. Dié indeks, wat 183 jurisdiksies dek, bereken die aantreklikheid van lande gegrond op twee belangrike veranderlikes: ekonomiese bedrywighede (gegrond op BBP teen koopkragpariteit om die grootte van die mark te toon, asook voorspelde ekonomiese groeikoerse) en die bedryfsomgewing (wat hoe maklik dit is om sake te doen, weerspieël). Suid-Afrika “staan steeds sy man as die aantreklikste beleggingsbestemming in Afrika, ondanks die feit dat sy telling daal weens ’n effens swakker sake-omgewing en wankelrige groeivooruitsigte,” het die verslag gemeld. Egipte is op een na die aantreklikste land op die vasteland, vier plekke hoër as in 2014,…

Suid-Afrika is bekend om sy sonskyn, vuvuzelas, safari’s en Madiba. Dis in wêreldterme ’n klein land aan die punt van die uitgestrekte Afrika-kontinent wat elke jaar miljoene toeriste lok. Dis darem nie al waarvoor die nasie, wat ook om die eerste hartoorplanting en die omskakeling van steenkool na brandstof bekend is, geag word nie. Suid-Afrika het deur die jare meer met innovasie en nuwe idees bereik as wat verwag sou kon word. Produkte uniek aan die land oorrompel die wêreld. Suid-Afrika worstel met ekonomiese inkrimping, skuldbelaste vebruikers en flou werkskepping. Dis maklik om mens teen dié monsters van negatiwiteit vas te staar en te vergeet van die innovasie en nut wat Suid-Afrika na die wêreld gebring het. Finweek bekyk ’n aantal konsepte en produkte wat Suid-Afrika oorsee goed te pas…

In Julie 2014, toe daar sprake was dat Ivan Glasenberg se Glencore ’n aanbod sou doen om Rio Tinto oor te neem, was die Suid-Afrikaanse mynmagnaat ongeveer R70 miljard werd en het hy op die spreekwoordelike kruin van die golf gery. Die drastiese afverkoop van Glencoreaandele verlede week het sy rykdom egter tot so min as R16,4 miljard verminder – die waarde van sy belang van 8% van die R205 miljard waarteen Glencore toe gewaardeer is, en veel minder as die R880 miljard waarop dit eertyds gewaardeer was. Dit vertel ons hoe vinnig beleggers die mynboumark kan laat verander, veral ten opsigte van maatskappye wat uitermatige skuld het, soos Glencore wat netto skuld van $30 miljard (R415 miljard) het en wat beoog om dit tot net meer as $20 miljard…