Finweek - Afrikaans 05 November 2015

“jy moet een ding onthou wanneer jy met hierdie junior mynboumaatskappye gesels,” het ’n ysterertsbestuurder eenkeer vir my by ’n konferensie gesê. Dit was in 2008, op die hoogtepunt van die kommoditeitsoplewing. “Party van hulle wil erts ontgin, maar die meeste van hulle wil net die mark ontgin.” Dié bestuurder het self ’n ambisieuse droom gehad: Hy wou ’n nuwe ysterertsmyn noord van die Noordpoolsirkel in Kanada bou. Naas die weerprobleme, wat versendings ’n paar maande van die jaar sou keer, was geweldige investering in spoor- en hawe-infrastruktuur vir die projek nodig. (Meer as sewe jaar en ’n bietjie aandeelhouerspyn later, is die eerste erts versend.) Twee goed het my aan dié onderhoud herinner. Eerstens het China se yster-en-staalvereniging pas gewaarsku dat die Chinese vraag na staal, ’n aanwyser van…

vanjaar se mediumtermynbegrotingsraamwerk (ook bekend as die minibegroting) het in die meeste opsigte ooreengestem met wat verwag is. Suid-Afrika se ekonomiese vooruitsigte het sedert Februarie verswak, en die minibegroting bevestig dat belastinginkomste om dié rede nou onder druk is. Die totaal van die belastinginkomste wat verwag word, is oor die tydperk verminder met ’n kumulatiewe totaal van sowat R35 miljard. Dit is die gevolg van groei in die bruto binnelandse produk (BBP) wat laer is as wat verwag is, sowel as weens die swak prestasie van korporatiewe inkomstebelasting. Laasgenoemde is onder meer die gevolg van die skerp dalings in kommoditeitspryse. In ’n omgewing van teleurstellende inkomste-invordering is dit belangrik om bewys te gee van ’n verbintenis tot die beperking van besteding. In dié opsig is die minibegroting se uitkomste gemeng.…

NASPERS BEHAAL ’N REKORD R2 038,57 Die aandeelprys van die mediagroep Naspers* het op 23 Oktober tydens intradagverhandeling ’n nuwe rekord behaal nadat hy ’n transaksie van $1,2 miljard (R16,4 miljard) aangekondig het om sy belang in Avito, die leidende aanlyn advertensieplatform in Rusland, van 17,4% tot 67,9% te vergroot. Naspers besit ook ’n belang van 29% in die Russiese e-handelmaatskappy Mail.ru. *Finweek is ’n publikasie van Media24, ’n filiaal van Naspers. APPLE SE HOOP KONTANT $205 miljard Apple het $205 miljard (R2 800 miljard) kontant in die bank nadat hy die afgelope kwartaal meer as 48 miljoen iPhones verkoop het. Volgens theguardian.com beteken dit dat Apple nou meer kontant het as die bruto binnelandse produk (BBP) van lande soos Nieu-Seeland en Tsjeggië. Sy iPhone-verkope vir die derde kwartaal was…

niemand het gesê dis maklik om die media-amptenare van die president van Nigerië te wees nie. Die land se koerante is elke dag stampvol politieke kommentaar en ontledings, Nigeriese Twitter is ’n moordende wêreld, en elke aankondiging wat gedoen word, is voer vir Nigerië se lawaaierige TV- en radiostasies. Geen woord word nie nagegaan nie en geen verklaring word nie uitmekaar getrek nie. Nigerië se vrye en uiters luidrugtige pers is een van sy kenmerke. Nogtans het president Muhammadu Buhari se mediaspan darem die voorbeeld van Goodluck Jonathan se span gehad oor hoe om nie te werk te gaan nie: buitelandse verslaggewers het dikwels gesê hul telefoonoproepe is geïgnoreer en hul eposse onbeantwoord gelaat, terwyl die plaaslike pers gekla het oor hul gebrek aan toegang tot die presidensie in vergelyking…

suid-Afrika se verwagte groei van 1,5% vir die jaar is nie naby die Nasionale Ontwikkelingsplan (NOP) se 5%-mikpunt nie. Ons vaar egter beter as Rusland – wat in die eerste helfte van die jaar met meer as 8% ingekrimp het – en Brasilië (6%), sê Lesiba Mothata, hoofekonoom by Investment Solutions. “Ons is nie in ’n resessie nie, maar daar is vrese dat ons daarheen op pad is,” sê Mothata. Ander bekommernisse is werkloosheid, met ál meer poste wat verlore gaan, en strukturele ekonomiese kwessies soos ongelykheid. Terwyl die rand vanjaar erg gekarnuffel is, sal die geldeenheid waarskynlik tot vlakke so laag soos R20 teenoor die Amerikaanse dollar moet terugsak om uitvoer ’n volhoubare hupstoot te gee, sê Mothata (sien ook bladsy 42). Wat uitvloei uit ontluikende markte betref, was…

vesel-tot-die-huis (VTDH) raak al hoe gewilder, met meer en meer telekommunikasiemaatskappye wat veseldienste aankondig. Dit lyk of Suid-Afrikaanse verbruikers hierby baat gaan vind. Met al hoe meer maatskappye wat vesel landwyd ontplooi, ontstaan die vrees van oorverhandeling op die Suid-Afrikaanse mark. Maar Simba Chimhanzi, aandeleontleder by JM Busha Asset Managers, sê daar is nie te veel maatskappye wat vesel tans in Suid-Afrika ontplooi nie (of beplan om dit te doen). Nog nie, in elk geval. Veselontplooiing geskied wêreldwyd vinniger as in Suid-Afrika omdat die gevestigde verskaffers op die groot metropolitaanse gebiede fokus. Kleiner en nuwe maatskappye neem nou die inisiatief om VTDH te bied in gebiede waar gevestigde verskaffers nie teenwoordig is nie,” verduidelik hy. Suid-Afrika is by ’n keerpunt vir die ontplooiing van breëbandtoegang, wat beskou word as ’n…