Finweek - Afrikaans 27-sep-18

enigeen wat net ’n dag op Twitter deurbring, sal weet dit is nie ’n veralgemening om te sê dat almal in die land gedurig vir als kwaad nie. Dit is hoekom ek ’n spesifieke stelling uit Ian Sinton se getuienis voor die Zondo-kommissie oor staatskaping so verfrissend vind. Sinton se getuienis het Suid-Afrikaners (ook) die harnas ingejaag – met reg. Sinton, voorheen voldoeningshoof by Standard Bank, het getuig hoe Mosebenzi Zwane, destydse minister van mineralebronne, die bank getakel het oor sy besluit om die Gupta-familie se rekeninge te sluit. Zwane het na bewering gedreig hy sal die land se bankwette verander om dit vir banke onwettig te maak om rekeninge te sluit. Hy het ook daarna verwys dat die regering bank-lisensies toeken – wat as ’n bedekte dreigement beskou is…

hier is ’n stukkie statistiek om jou kop te laat draai: Van die 989 318 babas wat verlede jaar in Suid-Afrika gebore is, het 61,7% van hulle geen inligting oor hul pa’s op hul geboortesertifikate nie. Van die 989 318 babas wat verlede jaar in Suid-Afrika gebore is, het 61,7% van hulle geen inligting oor hul pa’s op hul geboortesertifikate nie. One weet nie waarom die ma’s wat die geboortes van dié babas registreer, nie inligting oor die pa’s verstrek nie. Dis hoogs waarskynlik omdat baie van die pa’s nie deel wil wees van die grootmaak van die kind nie. Dié veronderstelling word deur ander bewyse gesteun: die Raad vir Geesteswetenskaplike Navorsing (RGN) raam dat 60% van Suid-Afrikaanse kinders ’n afwesige pa het en dat 40% van moeders enkelouers is.…

“AS JY KORTTERMYN-OPLOSSING WIL HÊ, IS DAAR GEEN OPLOSSING NIE.” Jack Ma, miljardêr-voorsitter van die Alibaba Group, het op 18 September in Hangzhou, China, op ’n beleggersvergadering teen die toenemende handelsoorlog tussen Amerika en China gewaarsku, berig The New York Times. President Donald Trump “het sy handelstryd vandeesweek verskerp en tariewe op Chinese goedere ter waarde van $200 miljard ingestel en gedreig om byna alle invoere uit China te belas as hy dit waag om terug te kap”, berig die koerant. Lees ook finweek se artikel op bladsy 12 om te sien hoe die Amerikaanse president se handelsbeleid Suid-Afrika sal raak. “Ondanks vandag se verligting sal die verbruikersprysinflasie aanstaande jaar waarskynlik aanhou styg.” Só lui ’n verklaring oor die verbruikersprysinflasie wat Investec op 19 September uitgereik het nadat die verbruikersprysinflasie…

nico Muller het nie die normale korporatiewe gladheid nie – of is dit net beskore vir die uitvoerende hoofde by Anglo American of BHP wat media-opleiding kry? Dis eintlik ’n goeie ding. Toe hy onlangs tydens ’n mediakonferensie gevra is wat nodig is om die platinumbulle te lok van waar hulle tans skuil om die metaal se prys op te kikker, het hy gereageer: “Ek weet nie; kan dit nie antwoord nie.” (Wie kan?) En waarom die aandeelprys tot nuwe laagtepunte verswak het, het hy geantwoord: “Die mark het geen vertroue in ons nie.” Sonder om doekies om te draai. Geen lafenis vir dié wat dalk vrees die maatskappy is op die randjie van ’n afgrond. Hy is presies wat die mark gesoek het, maar ná die aankondiging van sy…

johan Dippenaar, uitvoerende hoof van Petra Diamonds, is filosofies oor foute wat gedurende sy 12 jaar by die maatskappy gemaak is. Sy termyn kom nou tot einde ná die aankondinging, by die bekendmaking van die jaarresultate vroeër vandeesmaand, dat die direksie opsoek is na ’n opvolger. “Miskien kan ’n mens terugkyk en sê dit was te veel om aan te pak, maar daar is nie baie geleenthede in dié bedryf nie,” sê hy met verwysing na die maatskappy se meerjarige groeistrategie. Dit is daarop gemik om sowat 5 miljoen karaat per jaar te produseer – ’n produksiesyfer wat die maatskappy een van die wêreld se grootste onafhanklike diamantmyne sal maak. Toe Dippenaar in 2006 uitvoerende hoof geword het, het Petra Diamonds jaarliks sowat 176 000 karaat gelewer en was hulle…

Die Ierse dramaturg George Bernard Shaw het per geleentheid gesê “jong mense waardeer nie hul jeug nie”, maar wat minder bekend is, is die res van die sin: “ . . . en ou mense waardeer nie wysheid nie”. Of De Beers se uitvoerende hoof, Bruce Cleaver, die wysheid het om die diamantkoopbehoeftes van vandag se jonger geslag te verstaan, is ’n ope vraag, maar dit is iets wat sy aandag, sowel as dié van die diamantsektor in die geheel, geniet. Cleaver sê in De Beers se gepubliseerde Diamond Insight Report vir 2018 die voorspelling van die houding van generasie Y (gebore tussen 1981 en 2000) en generasie Z (gebore ná 1996) teenoor die koop van diamante is een van die belangrike vrae vir die behoud van die rykdom van…