Finweek - Afrikaans 25-oct-18

ek het ’n volledige beleggingsplan gereed vir as ek die lotto sou wen. Volgens dié plan sal ek R23 miljoen wen – nie R60 miljoen of R80 miljoen nie; R23 miljoen sal genoeg wees. My lewenstyl sal nie eintlik verander nie – ek kan selfs inkort. Ek gaan jou nie met die besonderhede van my fyn uitgewerkte plan verveel nie; dit behels eenvoudig om die meeste van die geld sinvol te belê in ’n poging om ’n gemaklike aftrede te verseker. Daar is net een probleem met dié plan: ek speel nie die lotto nie, want ek weet my kanse om te wen is skraal. Soos Hannes Viljoen op bladsy 21 van dié uitgawe se Kollektiewe Insig verduidelik, maak elke kruis wat jy in ’n kruis-of-munt-spel gooi, jou kanse nie…

selfs Adam Smith, die vader van ekonomie, het geglo ’n sterk staat is ’n noodsaaklike, indien nie genoegsame nie, voorvereiste vir ’n groeiende ekonomie. Soos Smith geskryf het, die staat moet “geregtigheid toepas, private eiendomsreg afdwing en die nasie teen aggressie beskerm”. Baie mense hou hier op om Smith te lees en glo dat hy ’n voorstander van beperkte regering is. Dit is nie heeltemal regverdig nie. Soos wat Jacob Viner reeds in 1927 aangedui het, sluit An Inquiry into the Nature and Causes of the Wealth of Nations ook verwysings in na die staat se verpligting om finansiële markte te reguleer, die jeug op te voed, tydelike monopolieë op patente te beskerm, en “om sekere openbare werke en openbare instellings op te rig en te onderhou wat ten doel…

“Die dag toe mnr. Moyana die amp aanvaar het, was ’n ramp vir die SAID. Die SAID was byna dadelik – en deurlopend in die volgende 18 maande – in beroering, met tragiese gevolge vir die lewens van baie mense, tragiese gevolge vir die reputasie van die SAID en tragiese gevolge vir die land in die geheel.” – Regter Robert Nugent in sy tussentydse verslag vir die kommissie van ondersoek na belastingadministrasie en bestuur by die Suid-Afrikaanse Inkomstediens (SAID). In die verslag word president Cyril Ramaphosa aangeraai om ’n nuwe SAID-kommissaris aan te stel. Die verslag stel dat al sal die vervanging van Tom Moyane nie ’n wondermiddel wees nie, is dit die “eerste noodsaaklike stap waarsonder geen moontlikheid bestaan om die skade te herstel wat by die SAID aangerig…

op sy onlangse besoek aan Amerika om beleggings te werf en die Algemene Vergadering van die Verenigde Nasies by te woon, het president Cyril Ramaphosa grootliks op die regverdiging van grondhervorming gekonsentreer. President Donald Trump van Amerika se onlangse twiet om Suid-Afrika te verkwalik vir die “beslaglegging op wit boere se grond” en die gebrek aan optrede oor “boere wat op groot skaal uitgemoor word” was sekerlik voorop in sy gedagtes. Met sy groot beleggingsberaad wat einde Oktober plaasvind, behoort Ramaphosa egter eerder daarop te konsentreer om potensiële beleggers gerus te stel dat Suid-Afrika hul intellektuele eiendom sal beskerm en om te sê wat hy met die Gupta-besmette staatsondernemings (SO’s) wil doen. Dit is enkele van die gedagtes van Amerikaanse sakeleiers met wie Ramaphosa in New York gesels het. Die…

Vorige aanbevelings Korporatiewe bestuur is een van daardie ontasbare fasette wat nie so moeilik is om na te gaan nie. Dink aan eenvoudige maar belangrike dinge, soos onafhanklike nie-uitvoerende direkteure en direksievoorsitter. Ander is deursigtigheid met direkteursvergoeding, voldoening aan die King-kode en ’n oudit-rotasiebeleid. Gewoonlik sien ons dit nie raak nie omdat dit eenvoudig doeltreffend gebeur. Wanneer probleme egter ontstaan en sake loop verkeerd, word dit ’n openbare saak – en dan is die probleem gewoonlik diepliggend. Invicta is ’n sprekende voorbeeld. Daar was wel ’n skikking met die Suid-Afrikaanse Inkomstediens, maar dit het die maatskappy R750 miljoen gekos. Die JSE het ook die aandeel terugkoop van 2015 as onwettig beskou en dit moes herroep word. Meer onlangs sê die JSE dat Invicta feite teruggehou het wat hy tydens die…

Vorige aanbevelings Is ’n herstel dalk op pad vir Datatec nadat hy in Januarie vanjaar met 44% geval het? Die maatskappy het sowat R5 miljard aan aandeelhouers uitgekeer nadat hy sy inligtingtegnologieverspreiding-en-logistiek-onderneming Westcon Americas en 10% van Westcon International in ’n transaksie van sowat $830 miljoen aan Synnex Corporation verkoop het. Die opbrengs uit die verkoop is gebruik as bedryfskapitaal om skuld te betaal. Die maatskappy het ook sy Nederlandse bedrywigheid, Logicalis, vir $42 miljoen verkoop. Die res van sy Westconbelange, wat 59% van Datatec se inkomste bydra, is nog wankelrig en belemmer die verdienste. Aandeelhouers het in September teen die instelling van die maatskappy se vergoedingsverslag gestem. Jens Montanana, uitvoerende hoof van Datatec, is verlede jaar R83 miljoen betaal, waaronder R48 miljoen as ’n “bonus vir transaksie-afhandeling” ná die…