Finweek - Afrikaans 7-mar-19

ek is nog betreklik jonk, dus behoort ek voldoende tyd te hê om te herstel en in te haal indien my sake finansieel verkeerd loop. Maar indien sake wel verkeerd loop, kan ek my in ’n benarde posisie bevind – afhangende van hoe lank dit my neem om te herstel. Dit is waar my bekommernisse enorm word. Indien sake wel verkeerd loop, hoe lank sal dit my neem om weer op die regte spoor te kom? Ek probeer altyd optimisties wees, maar ek hou ook daarvan om voorbereid te wees op die ergste scenario, waar ek maande lank sonder werk kan sit en ek verplig word om my uitgawes tot ’n minimum te beperk. Maar met geen geld wat inkom nie, is dit moeilik. My gevoel van eiewaarde is daarmee…

in Februarie 2002 het Saambou-bank, toe Suid-Afrika se sewende grootste bank, in duie gestort. Dit het alles begin met ’n aankondiging deur Absa, op 15 Januarie, dat sy mikrolener-filiaal, Unifer, beduidende verliese gely het. Saambou het ’n soortgelyke kliëntebasis as Unifer gehad en ’n bankstormloop het by Saambou begin wat 20% van sy deposito’s binne vyf weke uitgewis het. Die ineenstorting van Saambou het ander stormlope veroorsaak. Binne weke het Suid-Afrika se vyfde grootste bank, Board of Executors, ook in duie gestort. Uiteindelik moes 22 banke hulle deure sluit, wat die helfte van die aantal banke in Suid-Afrika was en 10% van die banksektor in grootte. DieSuid-Afrikaanse Reserwebank (SARB) het verkies om nie die banke te red nie. Omdat die bank bekommerd was oor hoër inflasie weens ’n wisselkoers-depresiasie, het…

“WAAROP ONS OP DIÉ TYDSTIP BEHOORTTE KON-SENTREER, IS HOE OM DIE LAND TE GENEES, HOE OM DIE GAPENDE KLOOF WAT DIE VERKIESING MEEGE-BRING HET, TE OORBRUG.”– Só haal Bloomberg vir Idayat Hassan, direkteur by die Sentrum vir Demokrasie en Ontwikkeling in Abuja, aan oor die geweld tydens die Nigeriese verkiesing waarin minstens 39 mense in verkiesingsverwante geweldpleging gedood is. “ONS IS VOORBEREID OP ’N RESESSIE. ONS VOORSPEL NIE ’N RESESSIE NIE. ONSWYS BLOOT DAAROP DAT ONS BAIE BEWUS IS VAN DIE RISIKO’S WAT ONS DRA.”– Jamie Dimon, uitvoerende hoof van JPMorgan Chase & Co, in ’n Bloomberg-verslag oor die risiko’s in die wêreldekonomie en veral in Europa en China. “SA kan in afsienbare toekoms ook beurtwater beleef.”– Professor Ferdi Meyer van die Universiteit van Pretoria, direkteur van die universiteit se…

die reeksentrepreneur, Tobie Louw, het saam met verskeie vennote MySleep in 2010 begin. Dit het gevolg nadat hulle bewus geword het van die enorme vraag na verbeterde tegnologie vir spesifiekdie toets van sekere slaapasemhalingversteurings soos slaapapnee (wanneer mense se asemhaling verskeie kere stop en weer begin as hulle slaap). “Mense moes destyds nog ’n nag in die hospitaal deurbring of in ’n slaaplaboratorium oornag om getoets te word vir slaapapnee. Ons het egter die tegnologieë en protokolle bestudeer wat in Amerika beskikbaar is vir tuistoetsing, en dit in die Suid-Afrikaanse mark ingevoer deur MySleep,” verduidelik Louw. In reaksie op die groeiende bewustheid van die uitwerking van swakgehalte slaap op mense se geestelike en fisieke gesondheid – en ook die ekonomiese tol wat dit in die werkplek eis weens verlore produktiwiteit…

dit is merkwaardig gou, maar die bewyse is daar dat De Beers se kunsdiamantreeks, onder die handelsnaam ‘Lightbox’, die prys van mededingende produkte met tot 60% laat daal het, sê Bruce Cleaver, uitvoerende hoof van die groep. Lightbox was ’n poging om ’n streep in die sand te trek tussen diamante wat natuurlik gevorm het en gemyn word, en dié wat in ’n laboratorium gekweek word. Die diamantmark was nog altyd besorg dat die toenemende beskikbaarheid van kunsdiamante verwarring veroorsaak het. Om dié rede het De Beers probeer om dit as ’n handelsmerk te ontwikkel en só te onderskei. Voor die bekendstelling was kritici van mening dat De Beers die natuurlike edelstene bloot verder verwater. Cleaver meen egter die mark se aanvanklike optrede steun nie dié gedagte nie. “Ons het…

twee hulpbronmaatskappye wat bekend is daarvoor dat hulle hul streng by die gespesialiseerde produksie van metale hou –Wescoal Holdings (steenkool) en Assore (staalvoer-minerale soos ystererts, mangaan en chroom) dink daaraan om ’n nuwe rigting in te slaan. “Ons ondersoek verskeie langtermynprojekte,” sê Humphrey Mathe, waarnemende uitvoerende hoof van Wescoal, in ’n onderhoud. “Ons kan dalk na die moontlikheid kyk om na ander minerale te diversifiseer.” Wescoal beskou dit as ’n belangrike strategiese doelwit om tien miljoen ton (Mt/j.) termiese steenkool per jaar te produseer – wat in die beleggingswêreld nóg gewild nóg maklik is. Sou Wescoal in sy oogmerk slaag om Universal Coal, ’n firma wat in Sydney genoteer is, oor te neem, sal dit vir hom makliker wees om dié mikpunt te bereik. Met produksie tans op sowat 4Mt/j.…