Finweek - Afrikaans 23 May 2019

president Cyril Ramaphosa is na berig word ’n glas-is-half-vol soort mens. Terwyl dié uitgawe op 15 Mei persklaar gemaak is, het hy ’n uiters ontspanne (en reguit) gesprekgevoer byGoldman Sachs se beleggingskonferensie in Johannesburg. Hy het nie van moeilike onderwerpe weggeskram nie. Hy het kwaai kritiekop staatsondernemings geleweren gesê hoe dringend dit is om hulle reg te ruk. Hy het spitsvondige grappe gemaak. Hy het gepraat oor privatisering, visumregulasies en die “oopstel van die land”. Hy het erken dat die regulatoriese omgewing, “ongelukkig”, sakebedrywighede aan bande lê. Hy het oor die grondkwessie gepraat. Ramaphosa het al voorheen daarna as “die erfsonde” verwys en herhaal dat dit opgelos moet word. Hy het egter beklemtoon: “Ons het ’n grondwet. Ons gaan daarop aandring dat als ingevolge ons grondwet en die oppergesag van…

Wat is die beste manier om iemand wat armoedig is, te help? ’n Stewige aalmoes? ’n Werk? Of iets heel anders? Dit is wat ontwikkelingsekonome wil weet. Ook nie net ontwikkelingsekonome nie: Politici sê dikwels hulle wil beleid instel wat die armes bevoordeel. Maar watter beleidsmaatreëls sal waarskynlik die grootste invloed hê? ’n Belangrike denkskool het die afgelope dekade met ’n eenvoudige antwoord vorendag gekom: gee mense meer kontant. Individue weet wat vir hulle die beste is, lui dié argument, en sou hulle ’n bedrag geld ontvang, sal hulle hul lewe na goeddunke kan verbeter. Party belê dit miskien in hul kinders se opvoeding (virtalle in die ontwikkelende wêreld ’n soort pensioenfonds), ander begin dalk ’n besigheid, betaal skuld af, koop ’n huis, of koop kos met meer voedingswaarde (om…

“HIERDIE AANVAL HET AL DIE KENMERKE VAN ’N PRIVATE MAATSKAPPYWAT MET REGERINGS SAAMWERK OM AFLUISTERPRO-GRAMMATUUR TE LEWER WAT DIE FUNKSIES VAN MOBIELEBEDRYFSTELSELS OORNEEM.” – WhatsApp erken daar is tekortkominge in die boodskaptoepassing wat aanvallers toegelaat het om kommersiële Israeliese afluisterprogrammatuur in fone te plaas, berig Financial Times. Die maatskappy sê hy het vroeg in Mei ontdek dat aanvallers afluisterprogrammatuur op iPhones én Android-fone kan installeer deur teikens met die toepassing te bel. WhatsApp het sy 1,5 miljard gebruikers wêreldwyd aangemoedig om op te gradeer na die nuutste weergawe van die toepassing, asook om mobielebedryfstelsels op datum te hou, om hulself te beskerm teen potensiële uitbuiting wat ontwerp is om inligting oor mobiele toestelle in gevaar te stel. “ONS WERK AS ’N KOLLEKTIEWE.” – Ace Magashule, sekretaris-generaal van die ANC, het…

toe Matthew Elan, Ndabenhle Ngulube en Marnus van Heerden in 2016 deelgeneem het aan ’n innovasiekompetisie wat deur Hannover Reinsurance gereël is, het hulle die idee gekry om ’n ware “gemeenskapsgegronde” diens te begin om weer vertroue in versekeringsprodukte te vestig. “Daar is ’n duidelike botsing van belange in die tradisionele versekeringsmodel, omdat versekeraars besluit of eise betaal moet word en ook wins uit lae uitbetalings verdien. Om hierdie konflik uit te wis, het ons ’n sakemodel ontwikkel volgens die tradisionele stokvel-spaarmodel, waar die bydraers voordeel trek uit lae uitbetalings,” sê Van Heerden. Pineapple is as maatskappynaam gekies vanweë dié gemeenskapsgegronde benadering. ’n Pynappel is ’n vrug wat bestaan uit ’n versameling bessies wat ’n struktuurvorm waar elkeen die ander beskerm, verduidelikVan Heerden. Met Pineapple wou hulle ’n platform skep…

angloGold Ashanti se besluit om die laaste van sy oorblywende goudbates in Suid-Afrika te verkoop, kom ná ses maande van Kelvin Dushnisky se dienstermyn as uitvoerende hoof van die maatskappy. Hy het Srinivasan Venkatakrishnan opgevolg. Dushnisky het dus taamlik gou ’n besluit geneem oor wat die groep se standpunt oor Suid-Afrika is. “Die bedryf Suid-Afrika kies in die algemeen nooit die regte tyd nie,” sê Dushnisky oor wanneer bates verkoop behoort te word. “Hulle wring die laaste bietjie waarde uit. Hoekom sal iemand dan ’n bate koop?” sê hy aan finweek tydens ’n onderhoud kort ná die groep se aankondiging dat hy Mponeng, wat vanjaar sowat 360 000 onse goud uit sy nabygeleë oppervlakbedrywighede sal produseer – dis volgens die geannualiseerde syfers virdieeerste kwartaal – wil verkoop. Daar is geen…

sedert die euforie van Robert Mugabe se onttroning laat in 2017 ná 37 jaar aan bewind, het Zimbabwe ontnugter teruggekeer aarde toe. By die skryf hiervan is die land in ’n beurtkragkrisis gedompel waaronder almal ly, veral die land se mynboubedryf – ’n belangrike deel van sy ekonomiese lewensbloed. Een van die mynmaatskappye wat vinnig uit die wegspringblokke gekom het nadat Mugabe uit sy amp gedwing is deur magte wat simpatiekgesind was teenoor die huidige president Emmerson Mnangagwa, was die JSE-genoteerdeTharisa onder leiding van Phoevos Pouroulis, uitvoerende hoof en seun van die plaaslike mynbouentrepreneur Loucas Pouroulis. Tharisa het letterlik halsoorkop in Zimbabwe ingetuimel, twee ooreenkomste onderteken om ’n chroommyn via ’n maatskappy genaamd Salene te vestig en deur Karo Platinum ’n 26,8%-aandeel opgeneem in ’n konsortium van Zimbabwiese sakegroepe deur’n…