Finweek - Afrikaans 12 September 2019

op ’n normale nuusdag sou Statistiek SA se data oor die herstel van 3,1% in die BBP in die tweede kwartaal die hoofopskrifte gehaal het. Maar op die oomblik voel niks normaal nie. Hier in Johannesburg het die lente se koms anders as in ander jare gelyk en geruik toe gewelddadige en dodelike opstande rook uit geboue in die middestad laat borrel het. Geweld en wetteloosheid, en durf ons sê haat, het hoogty gevier in die strate en op die voorblaaie van koerante. Dit voel tans heeltemal verkeerd om enige iets te wil vier, allermins ’n syfer waarby min mense in die land waarskynlik aansluiting kan vind. Al was die herstel heelwat beter as die ruweg 2,5% wat talle peilings voorspel het, wys verskeie waarnemers per slot van rekening daarop…

die fokus op die verligting van armoede in Suid-Afrika is op die post-apartheidsera. Dis te verstane. Maar soms is ’n langtermynsiening beter. Die belangrikste bydrae tot die literatuur oor ekonomiese groei in die afgelope twee dekades is dat instellings saak maak. Sosiaal-wetenskaplikes beweer natuurlikal lankdat die vryheid wat met demokrasie, eiendomsreg, die oppergesag van die reg en ’n vrye pers gepaard gaan van kritieke belang is virdie sukses van ’n markgemeenskap. Maar hierdie idees kon eers betreklik onlangs met die ontdekking van nuwe databronne en die ontwikkeling van nuwe metodes empiries getoets word. Daron Acemoglu, Simon Johnson en James Robinson sê in Reversal of Fortune: Geography and Institutions in the making of the Modern World Income Distribution dat die soort instellings wat deurdie Europeërs gestig is toe hulle groot dele…

“PARLEMENT IS OP DIE NIPPERTJIE OM ENIGE OOR-EENKOMS WAT ONS BEREIK, TE BEDERF.” − Die eerste minister van Brittanje, Boris Johnson, aan kritici nadat hy ’n belangrike stemming in die Britse parlement verloor het. Die Britse wetgewers het teen Johnson gestem om te keer dat hy die land uit die EU neem sonder ’n formele ooreenkoms, berig The New York Times. Wetgewers in die Laerhuis het die voorstel met 328 teen 301 stemme verwerp. Parlementslede sal nou hul stemme moet uitbring oor ’n vertraging van die Brexitwetsontwerp. Volgens BBC.com sal Johnson gedwing word om ’n algemene verkiesing uit te roep indien hy om ’n verlenging van die huidige Brexit-sperdatum van 31 Oktober moet vra. “NIE-INVESTERING IN GESONDHEID, IS DIE DEFINISIE VAN ’N VALSE EKONOMIE” − Eerste vrouepremier van Noorweë en…

VERKOPE TORING UIT 80% Teen ’n moeilike ekonomiese agtergrond het die verkope by EllipseWaterfall, die eerste JSEgenoteerde Attacq-residensiële ontwikkeling inWaterfall City, markverwagtinge oortref. Meer as 80% van fase een, bestaande uit twee elliptiese torings van 272 woonstelle, is reeds verkoop. Verkope beloop tot dusver R550 miljoen en daar is ’n waglys vir die laaste twee torings. Terwyl ’n dakwoonstel R12 miljoen kos, kos die meeste Ellipse-eenhede tussen R1,5 miljoen en R3 miljoen. Bouwerk aan die viertoring-projek van R1,25 miljard, wat in vennootskap met die woningspesialisTricolt ontwikkel is, het in Augustus begin. Dit is in drie fases ontwikkel. Fase een sal teen middel 2021 gereed wees vir besetting. Besetting van toring drie volg nege maande later, met besetting van die finale toring wat in die eerste kwartaal van 2023 verwag word.…

abe Cambridge het in 2014, nadat hy besef het hoe nutteloos sonkraginvestering is in ’n land waar die son selde skyn, sy tuisland, Engeland, verlaat om as ’n finansiële sonkragadviseur in Kaapstad te werk. Die gebrek aan sonkragpanele in die stad het hom opgeval. “Ek kon nie verstaan hoekom sonkragtegnologie so sleg aanvaarword in ’n land waar jy die meeste van die tyd ’n sonbril moet dra, elektrisiteitspryse met 10% tot 14% per jaar styg, en sonenergie tot vier keer minder koolstofemissies as steenkool produseer nie,” sê hy. Die redes het duidelikgeword toe hySuid-Afrika se energieomgewing leer ken het: “In die afwesigheid van subsidies, regeringsaansporings en finansieringsoplossings is daar min motivering vir mense om dié kapitaalintensiewe tegnologie te aanvaar. Daarby word elektrisiteit tradisioneel as ’n bedryfskoste beskou, nie as ’n…

na meer as 18 maande van bieëry, het Seriti Resources na vore getree as South32 se uitverkorene: Die maatskappy het die reg om beheer te koop van sy steenkoolproduksie in Suid-Afrika van 28 miljoen ton (Mt) per maand, waarvan die helfte aan Eskom verkoop word. Meer as 50 maatskappye het gebie vir die bates, wat gesamentlik as South African EnergyCoal (SAEC) bekend staan. Uiteindelik het dit op net twee neergekom: Sibambene Coal, wat deur die Switserse kommoditeitshandelaar, Mercuria, gesteun word, en Seriti, ’n konsortium in swart besit wat bestuurword deurdie voormalige president van die Minerals Council South Africa, Mike Teke, deur middel van sy Masimong Group; Thebe Investment Group is ook, onder andere, ’n aandeelhouer. Teke is omsigtig aangaande die proses. Seriti is gekies as die voorkeurbieër, maar hy is…