Finweek - Afrikaans 10 October 2019

in die tweede kwartaal van vanjaar het al sewe die wêreld se grootste ekonomieë stadiger gegroei as in die ooreenstemmende kwartaal van verlede jaar. Dit is volgens ’n verslag van dieWêreld- Ekonomiese Forum (WEF) oor streeksrisiko om sake te doen vir vanjaar, wat aan die begin van Oktober uitgereik is. Die BBP-groei vir die tweede kwartaal in die grootste ekonomie, Amerika, het van 3,2% verlede jaar afgeneem tot 2,3%. China, in die tweede plek, is af van 6,7% tot 6,2%. Duitsland, in die vierde plek wêreldwyd, het skerp gedaal van 2,1% tot 0,4%. DieWEF het gesê dat tekens van ’n wêreldwye ekonomiese resessie op kort termyn nou “sterk” is. “Die wêreldekonomie is sedert 2008-’09 se strukturele skok op ’n vlakker groeipad. Die simptome van ’n brose ekonomie het egter vanjaar…

hoërskoolonderwysers het ’n moeilike taak. Hulle moet ’n klaskamer met ’n paar dosyn emosionele, aandagafleibare tieners in toom hou, terwyl hulle ook calculusrekening, eukariotiese-selstrukture of die redes vir dieTweedeWêreldoorlog probeer verduidelik. G’n wonder dinge ruk soms handuit nie. En dan is daar moeilikheidmakers. In elke klaskamer is daar iemand wat die grense van dissipline uitdaag. Vir hul klasmaats is dit dikwels vermaaklik. Maar vir onderwysers veroorsaak hulle frustrasie en, dikwels, woede. Ek onthou ’n geval op hoërskool toe ’n paar van ons die onderwyser tot die uiterste gedryf het. Hy het sy kryt neergesit, stadig omgedraai en kil gesê: “Ek het net twee woorde vir julle. Bly stil. Nou!” Van agter in die klaskamer kom die stem van die voorbok onder die probleemmakers stilletjies: “Dit is drie woorde, meneer.” Ons…

die onverskrokkenheid waarmee die minister van finansies, Tito Mboweni, sy kamerade in die drieparty-alliansie uitdaag om hul man te staan om Suid-Afrika se verslegtende ekonomiese tekortkominge aan te pak, is voorwaar iets om te aanskou. Mboweni is nou ’n jaar in sy pos. Hy het weggedoen met die houding van sy voorgangers waarmee ons al vertroud geraak het, naamlik om almal gelukkig te probeer hou. Dit is diegene wat probeer witvoetjie soek het met die besigheidsgeöriënteerde faksies in die regerende ANC én met alliansievennote, die vakbond Cosatu en die kommunistiese party, die SAKP. Sedert Mboweni die leisels in Oktober 2018 oorgeneem het, het hy getoon dat hy nie bang is om sy kamerade aan te vat wanneerdit kom by die debattering van die bestuur van ons ekonomie nie. Hy het…

“DIE RISIKO BESTAAN DAT ’N OMGE-WINGSVERANDERING ’N OPENLIK STRENG BELEIDSTANDPUNTSAL NOODSAAK.” – Die Suid-Afrikaanse Reserwebank in sy jongste monetêrebeleidsoorsig, wat op 1 Oktober uitgereik is. Die bank verwys na die omvang van Suid-Afrika se ekonomiese probleme, asook internasionale risiko’s, en beklemtoon dat “Suid-Afrika moet hervorm om dié risiko’s te beheer. Die koste van die verdere uitstel van hervorming neem egter teen ’n stygende koers toe.” Die bank se oorsig kom kort voordatTito Mboweni, minister van finansies, einde Oktober sy mediumtermyn-begrotingsraamwerk moet uitreik. “PRESIDENTE VRA ALTYD DINGE, MAAR WAT HIER VERSKIL, IS DIE AARD VAN WAT GEVRA WORD.” – Simon Jackman, hoof van die VSA-studiesentrum aan die Universiteit van Sydney, Australië, volgens The New York Times. Australië is die jongste land waarop president DonaldTrump van Amerika blykbaardruk plaas vir hernude ondersoeke…

koperword soms ‘dokter Koper’ genoem weens die belangrike rol wat die metaal in ekonomiese ontwikkeling speel. Wanneer die vraag na koper sterk is, beteken dit gewoonlik wêreldwye BBP is op ’n goeie plek. Nou is daar egter vir die metaal ’n nuwe en ewe belangrike rol. Luidens ’n verslag deur Bernstein, ’n bank in NewYork, sal die vraag na koper in die toekoms op beduidende wyse beïnvloed word deur hoe suksesvol wêreldekonomieë daarin slaag om koolstofvrystellings te beperk. Dit is danksy dokter Koper se ‘klimaathelende’ nywerheidstoepassings. Volgens Paul Gait, ’n ontleder by Bernstein wat gehelp het om ’n verslag saam te stel oor hoe koper se rol in die groenekonomie ontvou, kom die verdriedubbeling van die huidige uitset van 600GW in windplaasvermoë in die volgende dekade neer op ’n vraag…

dit sal nie nodig wees om vir Association of Mineworkers & Construction Union (Amcu) te vertel dat die platinumsektor op die oomblik besonder goed vaar nie, gegewe die randprys vir platinumgroepmetale (PGM’e). Maar selfs dié vakbond sal dalkverbaas wees om te verneem dat 100% van die PGMsektor kontant genereer. Dit is volgens Citi-ontlederJohann Steyn, wat ook van mening is dat ondanks die verbetering in die pryse van platinumaandele – Impala Platinum (Implats) is op ’n 12-maandegrondslag 236% sterker – is daar meer ruimte vir verdere wins. In die geheel het dieSuid-Afrikaanse platinumsektor sedert Junie verlede jaar met 167% gestyg, en tot dusver vanjaar met 80%. Volgens Steyn is die loko-randmandjieprys vir PGM’e (wat saam met platinum, ook palladium en rodium insluit) van R22 108 per ons ver bo die vlakke…