SA Hunter/Jagter Mar/Apr 2024

ONDER DIE KAMEELDORING | UNDER THE CAMEL THORN Al sowat 20 jaar lank volg ek die skrywes van ’n paar “joernaliste” wat oor omgewingsake, die wildbedryf en ook die jagbedryf en “trofeejag” in koerante en ook op sosiale media skryf. Ek gebruik die term “joernalis” spesifiek in aanhalingstekens… Daar is weinig joernalistieke integriteit verbonde aan wat hulle soms (die meeste van die tyd, in my opinie) skryf en ek volg hulle nie oor die gehalte van hulle artikels nie, maar veral om te sien met watter nuwe twak hulle voren-dag gaan kom. Ek gaan een so ’n persoon as voorbeeld gebruik. Kom ons noem haar Ee-Tee vir nou. Hierdie dame het reeds in 2007 my stertvere in ’n krul gehad toe sy ’n absoluut belaglike artikel aan die grootste Afrikaanse…

ONS WIL VAN JÓÚ HOOR! Briewe van ons lesers is vir ons belangrik. Jou insette en opinies, wedervaringe in die jagveld en interessante stories of nuus is altyd welkom, asook jou kommentaar op die tydskrif se inhoud. Stuur jou brief aan marisa@sahunter.org en staan ’n kans om ’n geskenkbewys ter waarde van R1 000 van Safari Outdoor te wen! Hou jou brief verkieslik onder 300 woorde en verskaf asseblief jou naam en kontakbesonderhede. SA JAGTER/HUNTER behou die reg voor om briewe te redigeer en te verkort. WENBRIEF DIE PARAKAR Beste Francois. Ek lees nou al baie jare SA JAGTER/ HUNTER en bly dit geniet. Ek het ook al ’n paar redakteurs sien kom en gaan. Jy doen baie goeie werk en ek geniet die tydskrif baie. Die skyfskietsport het oor…

KOMPETISIE SAJWV-KALAHARI-JAGKOMPETISIE! Kaartjieverkope sluit 3 Mei 2024!!! As jy nog nie jou kaartjies gekoop het vir die biltong-jag waarvan drome gemaak word nie, is dit nou die tyd! Die jag vind plaas van 22 tot 26 Mei 2024 op 34 000 hektaar in die rooiduine van die Kalahari se hart, suid van Askham en Van Zylsrus. Die wenner kan drie vriende saamneem en elkeen kan ’n gemsbokbul en vier springbokramme jag. Die wenner en sy/haar maats kan stapjag, bakkiejag of beide. Die prys sluit R10 000 se brandstof in, die af-slag van die bokke, die jagvoertuig, die dagtariewe en fooitjies aan personeel, asook R5 000 in kontant sodat die jagspan hulself kan trakteer op die beste biefstuk en iets te drinke. Alle koste word dus gedek. Ons gooi ook vir…

Mense jag vir allerhande redes. Vir vleis, natuurlik, of vir trofeë, of vir ’n spirituele konneksie met die natuur, of vir die reuk van kruit. Of vir wat ook al. Vir my was daar egter nog altyd ’n bykomende aantrekking: dié van reis. Want die jagpad neem jou na plekke waar jy andersins waarskynlik nooit sou kom nie. Na die hart van die hinterland, waar jy interessante karakters ontmoet en in kontak kom met die hartklop van afgeleë plekke. Soos Koës. Ek onthou ’n Saterdag in die negentigs. Ons was drie jagters op reis, nêrens haastig heen op pad nie, toe ons in Keetmanshoop verneem van die Koës-rally wat aan die gang is. (Dié legendariese wedren word sedert 1985 elke jaar tydens die eerste na-week in Julie gehou. Dan jaag…

PRODUKTOETS Franchi-haelgewere, anders as name wat al dekades lank aan ons bekend is soos Beretta en Browning, om maar net twee te noem, verdien ons aandag. Die maatskappy bestaan sedert 1868 en behoort sedert 1993 aan die magtige Beretta-groep van maatskappye. In 2023 het ek met die Franchi Feeling bekend geraak op een van Inyathi Sporting Supplies (ISS) se personeel-opleidingsdae waarheen ek as deel van die pers genooi is. Helmut Steidler van ISS het onlangs een in my hand gedruk en versoek dat ons iets oor die haelgeweer skryf. Ek skiet gereeld duiwe, asook watervoëls, tarentale en ander landvoëls in seisoen – iets wat ek baie geniet. Die voorman by my vriend André se skietplek het laat weet die kransduiwe pla (kransduiwe het geen toe jagseisoen in alle dele van…

In die VSA word aan geweerjagters, voorlaaierjagters en boogjagters elkeen ’n eie gedeelte van die jagseisoen toegeken. Baie jagters jag dus met al drie jagwapens om sodoende hulle jagseisoen tot die maksimum te verleng. In Suid-Afrika is dit natuurlik nie nodig nie, want ’n jagter kan die hele jagseisoen jag met die wapen van sy keuse. Ek het ook een jagseisoen met meer as een soort wapen gejag, naamlik ’n swartkruitge-weer of voorlaaier, ’n kragboog en twee verskillende tradisionele boë. Nadat ek destyds besluit het om met die boog te jag, moes ek drie keer na Lichtenburg ry om my eerste dier, ’n springbok, plat te trek. Met die eerste twee jagtogte was ek nie suksesvol nie en het ek heelwat foute gemaak. Met die derde probeerslag was ek gelukkiger…