Finweek - Afrikaans 10-Mar-16

ek besef daar is meer as genoeg syfers om ons bedruk te laat voel oor die stand van die ekonomie, maar hier is ene wat nie juis die hoofopskrifte haal nie: die produktiwiteit van ons kapitaal en arbeid. Ekonome ken dit as die totale produktiwiteitsfaktor (TPF), oftewel die doeltreffendheid waarmee arbeid en kapitaal gekombineer word om uitsette te genereer. ’n Vooruitgang in produktiwiteit – ’n toename in goedere en dienste wat per werkuur geproduseer word – is uiters belangrik om ekonomiese stagnasie te voorkom. Warren Buffett noem vooruitgang in produktiwiteit die “geheime sous” van Amerika se merkwaardige vooruitgang in lewenstandaard die afgelope 240 jaar. So, hoe vaar ons? In Suid-Afrika het die TPF in vier uit die afgelope vyf jaar ingekrimp, en in ses uit die afgelope agt. Die laaste…

bHP Billiton se direksie het die maatskappy se dividend tydens die kommoditeitsoplewing van 2004 tot 2011 tot ’n onvolhoubare vlak verhoog. Nou, met kommoditeitspryse wat geval het, is die direksie gedwing om dit met 75% te verlaag. Die direksie word kwaai hieroor gekritiseer. Die kritici konsentreer hoofsaaklik op die soort dividendbeleid en tydstip waarop dividendsveranderinge gedoen is. Hulle mis egter die groot prentjie in ’n styg- en daalsiklus. BHP se direksie en bestuur moet beoordeel word volgens die hoeveelheid aandeelhouerswaarde wat geskep is nadat faktore buite hul beheer in ag geneem is. Is die kontantmeevaller tydens die mynbou-oplewing óf wys belê, óf aan aandeelhouers uitgekeer, of is dit met slegte beleggings en waardevernietigende verkrygings gemors? Histories is laasgenoemde normaal vir internasionale hulpbronmaatskappye. Die meevaller BHP se bedryfskontantvloei het van $5…

nie te lank gelede nie het swart ekonomiese bemagtiging (SEB) nog grootliks op die volgende neergekom: swart beleggers koop ’n minderheidsbelang in maatskappye onder wit beheer en word dan by die direksie van die onderneming ingetrek. Die belang is dikwels verkry met skuld wat uit dividende terugbetaal moes word. Dié narratief het egter begin verander. Swart beleggers is nie langer tevrede om ekonomiese toeskouers te wees wat dividende vergaar nie. Hulle wil baanbrekers wees, deure oopgooi. Of, nog beter, “golwe maak”. Die SEB-verhaal van die toekoms sal oorheers word deur swart mense wat hul drome uitleef om nywerheidsreuse te word. Dié nyweraars sal verskil van die geslag SEB-magnate voor hulle, wat grootliks passief was en op wit bestuurspanne staat gemaak het om bates te behartig wat namens hulle gekoop is.…

“ONDOELTREFFENDE, ONEKONOMIESE PRODUSENTE SAL MOET LOOP, DIS MOEILIK OM TE SÊ, MAAR DIS ’N FEIT.” – Ali al-Naimi, Saoedi-Arabië se minister van petroleumen mineraalhulpbronne, op 23 Februarie aan Amerikaanse energiebedryfbestuurders in Houston. Saoedi-Arabië, die wêreld se grootste olie-uitvoerder, weier om produksie te sny om die olieprys te ondersteun, wat hoërkosteprodusente seermaak. Met die skryf hiervan het Brent-ru-olie teen $36,67 per vat verhandel, vergeleke met $115 minder as twee jaar gelede. “DIT IS AL 240 JAAR LANK ’N GROOT FOUT OM TEEN AMERIKA TE WED, EN NOU IS NIE DIE TYD OM TE BEGIN NIE. AMERIKA SE GOUE GANS VAN HANDEL EN INNOVASIE SAL VOORTGAAN OM MEER EN GROTER EIERS TE LÊ.” – Warren Buffett, miljardêrbelegger en Berkshire Hathaway se voorsitter, in sy jaarlikse brief aan aandeelhouers. Die jaarvergadering op 30…

toe Francois Briers ’n elektrisiën nodig kry, kon hy uiteindelik 40 kilometer ver van sy perseel ene opspoor. Hy moes twee ure wag totdat die elektrisiën opdaag en was teleurgesteld toe hy later ontdek daar was nogal ’n ander elektrisiën in sy omgewing wat net 10 minute ver weg was. Dié ervaring het Briers, ’n sakeman, aangespoor om ’n app te ontwikkel wat sakelui en verbruikers deur die gebruik van geo-opsporingstegnologie, soos Tinder, by mekaar kan uitbring. Dié app, bekend as HelpOut, is amptelik in Oktober bekendgestel en werk baie soos ’n Uber vir huishoudelike en leefstyldienste. “Apps bring mense gewoonlik op ’n sosiale vlak by mekaar uit. Dit het gelei tot die gedagte om mense op ’n sakevlak te verbind,” sê Briers. Die app gebruik verbruikers se ligging om…

KIESERSGEWELD: Baie Amerikaners is op 1 Maart op sogenaamde Super-Dinsdag stembusse toe om in voorverkiesings vir die presidentskandidaat van hul keuse te stem. By die skryf hiervan op 2 Maart het vroeë resultate op Hillary Clinton as die Demokrate se gunsteling gedui, terwyl Donald Trump gelyk het na die voorloper aan Republikeinse kant. Op 8 November gaan Amerikaanse kiesers weer stembusse toe om hul volgende president aan te wys. In die foto bo kom ondersteuners van Hillary Clinton by haar Super-Dinsdagaand-partytjie aan in Miami, Florida, in kostuums uitgedos as Trump (links) en Clinton (regs). KANKERMEDISYNE VERMORS $3 mjd. Navorsers in Amerika het bevind dat byna $3 miljard per jaar op kankermiddels verkwis word omdat farmaseutiese groepe die middels in slegs een grootte flessie versprei, wat dan dikwels vir die meeste…