Finweek - Afrikaans 17-Mar-16

david Lipton, wat tweede in bevel is van die Internasionale Monetêre Fonds (IMF), het vandeesweek nogal opspraak verwek toe hy gewaarsku het oor die toenemende risiko dat die internasionale ekonomie kan “ontspoor”. Ekonomiese herstel is swak en onegalig, en onbestendige finansiële markte en lae kommoditeitspryse help ook nie, het Lipton aan ’n gehoor in Washington in Amerika gesê. Hy het regerings aangemoedig om alles in hul vermoë te doen (insluitend die vermindering van belasting en ’n toename in infrastruktuurbesteding) om groei te stimuleer. Lipton het drie belangrike oorgangsfaktore uitgelig wat tot die onsekerheid in wêreldmarkte bydra: ■ Hoe sal China se ekonomiese oorgang – waar die uitvoer van vervaardigde goedere afneem ten gunste van sektore wat hulle op huishoudelike vraag toespits – patrone van wêreldhandel en belegging verander? (Onlangse Chinese…

drie eeue gelede, op 24 Junie 1716, het ’n baie belangrike brief uit Amsterdam in Kaapstad aangekom; ’n brief wat volgens John X. Merriman twee eeue later die toekoms sou rig van wat Suid-Afrika sou word. Dié brief afkomstig van die raad van die Verenigde Oos-Indiese Kompanjie (VOC) het versoek dat die Beleidsraad in Kaapstad oorweging moes skenk aan die ekonomiese behoeftes van dié klein en brose koloniale nedersetting. Die VOC wou veral weet of die Beleidsraad meer Europese immigrasie na die Kaap sou aanbeveel, en of meer slawe eerder soontoe gestuur moes word. ’n Jaar later het sewe lede van die Beleidsraad gereageer. Ses het slawerny as die beste keuse aanbeveel. Die rede was eenvoudig: slawe kon goedkoper arbeid as Europese loonarbeiders bied. En omdat alle landbouprodukte aan die…

“China sal beslis nie ’n harde landing hê nie. Van dié voorspelling van ’n harde landing sal daar niks kom nie.” − Xu Shaoshi, China se top- ekonomiese beplanner en hoof van die land se Nasionale Kommissie vir Ontwikkeling en Hervorming, oor China se groei terwyl die land van beleggingsgeleide tot verbruiksgedrewe groei beweeg. Reuters berig dat die land se BBP verlede jaar met 6,9% gegroei het, die stadigste in 25 jaar. Die regering mik na ekonomiese groei van tussen 6,5% en 7% vir vanjaar. “GEGEE DIE OMGEWING VAN LAER EKONOMIESE GROEI IN SUID-AFRIKA EN DIE RES VAN AFRIKA, BIED BRITTANJE ’N BETER GELEENTHEID VIR RISIKO TEENOOR BELONING. DIE KOSTE VAN KAPITAAL IN AFRIKA GAAN BAIE HOËR WEES, EN GROEI LAER.” − Johan Burger, uitvoerende hoof van FirstRand, oor FirstRand…

In vandag se finansieel moeilike omgewing is maatskappystralers ietwat van ’n gruwel, veral in die wêreldwye mynbousektor, wat duisende werksgeleenthede verloor het. Dit is dalk waarom die eienaarskap daarvan baie aandag trek. ’n Voorbeeld is die ooreenkoms van Mick Davis, voormalige uitvoerende hoof van Xstrata, om ’n beperkte tydperk nadat hy die maatskappy ná die samesmelting met Glencore verlaat het, nog toegang tot sy straler te behou. Dit is as ’n slim set beskou – ’n tipiese aanduiding dat Davis op die bopunt wou bly. En dit was nie toevallig dat een van die eerste prominente besluite deur Mark Cutifani nadat hy in 2013 die leisels by Anglo American oorgeneem het, was om die maatskappy se private Gulfstream G550-straler van $50 miljoen te verkoop nie, veral omdat aandeelhouers die maatskappy…

Moenie misloop nie! Kyk uit vir finweek Money Matters elke Vrydag om 13:00 op CNBC Africa op DStv se kanaal 410. Ons bespreek elke week die aktueelste artikels in die nuutste uitgawe. Wat die fondsbestuurder sê: Gedurende 2015 het die fonds voorberei vir ’n verlangsaming in die Suid-Afrikaanse ekonomie, dalende hulpbronpryse en ’n verswakkende rand, verduidelik Kevin Williams, bestuurder van die fonds. “Die fonds het voorkeur gegee aan ’n hoë blootstelling aan internasionale, ontwikkelde aandelemarkte en het die volle toelaatbare toewysing van 25% gebruik.” Die fonds het ook verkies om niemynbou- en randverskansingsaandele uit te soek, soos Naspers, British American Tobacco, Steinhoff en Mondi. Plaaslik het die fonds aandelemaatskappye gekies wat hul inkomste en verdienste organies kan uitbou, soos Italtile, Cashbuild en Mpact. “Die fonds het beperkte blootstelling aan hulpbronne…

Eiendom het gesukkel sedert sy hoogtepunt verlede jaar, maar Hyprop bly een van die meer defensiewe nisspelers in die bedryf. Hierdie eiendomsbeleggingstrust is hoofsaaklik bedrywig in die duurder winkelsentrums in Suid-Afrika, met verdere blootstelling in die res van Afrika en Oos-Europa. Een van die probleme met eiendomsaandele is die premie tot netto batewaarde (NBW). Hyprop het ’n aangemelde NBW van 9 433c, met die aandeel wat sowat 20% hoër as dié vlak verhandel – ’n billike eerder as ’n goedkoop premie. Die dividendopbrengs is net meer as 5%, weer nie goedkoop nie maar redelik. Hyprop het gehaltebates wat die moeilike handelstoestande wat voorlê na verwagting betreklik goed sal weerstaan. Hierdie moeilike tydperk behoort nie te problematies te wees nie, terwyl dit in die res van Afrika en in ’n mindere…