Finweek - Afrikaans 30-mar-17

ek is ’n groot aanhanger van The West Wing, Aaron Sorkin se politieke dramareeks vir televisie met Martin Sheen as die fiktiewe, superslim Amerikaanse president, Josiah (Jed) Bartlet. Bartlet is ’n president so na elke liberaal se hart en in die loop van sewe seisoene los hy basies die wêreld se dreigendste probleme op. In die laaste seisoen kom Bartlet se presidentskap tot ’n einde en is die fokus op die veldtog vir die verkiesing van ’n nuwe president. Die nuwe kandidaat van die Demokratiese Party word vroeg reeds ingelig dat, sou hy wen, hy in werklikheid net die eerste 100 dae van sy ampstermyn sal hê om dinge gedoen te kry. Daarna verskuif die fokus na die middeltermynverkiesing, wat sy eie kompromieë en bedinging verg om mag te verower…

die plaaslike geldeenheid bly ondanks die aard van die rand en sy sensitiwiteit vir politieke ontwikkelings standvastig te midde van sowel internasionale as plaaslike politieke en beleidsonsekerheid. Nóg die verstewiging nóg die verswakking van die rand verloop gladweg en die plaaslike geldeenheid was die laaste paar jaar wisselvallig en het beleggers se risikoafkeer en reaksie op ander eksterne verrassings weerspieël. Die rand het in die jaar tot dusver teenoor ’n reeks groot geldeenhede verstewig – onder meer met meer as 7% teenoor die Amerikaanse dollar. Mens sal dalk lus wees om die onlangse randsterkte te benut en vir daardie oorsese vakansie te begin pak, maar neem die volgende faktore – wat die rand in enige rigting kan stoot – in ag voordat jy vertrek. Die Trump-geval Daar word wild bespiegel…

president Jacob Zuma is reg. Dit is ’n “snaakse demokrasie”. Maar nie weens die redes wat hy onlangs in die parlement aangevoer het nie. Toe die DA-leier Mmusi Maimane gevra het of hy stappe teen die minister van maatskaplike ontwikkeling Bathabile Dlamini gaan doen vir haar hantering van die krisis met maatskaplike toelaes, het die president gesê sy het niks verkeerd gedoen nie. “Dit is ’n snaakse demokrasie, ’n snaakse regstelsel, waar ’n persoon voor misdaadpleging veroordeel en gestraf moet word,” het Zuma gesê. Baie Suid-Afrikaners is tereg woedend, met ’n president wat die kuns vervolmaak het om aanspreeklikheid te ontduik. Zuma voel niks oor ander se woede nie. Ons behoort dit nou al te weet. Sy teenmiddel vir enigiets van dié aard is om te lag. Dlamini is self…

“JY KAN NIE AL DIE GELD OP DRANK EN VROUE UITGEE EN DAN VRA VIR HULP NIE.” − Jeroen Dijsselbloem, Nederlandse minister van finansies en hoof van die eurosone se ministers van finansies, het onder skoot gekom nadat hy in ’n onderhoud met die Duitse koerant Frankfurter Allgemeine Zeitung gesê het die Europese lande wat in die knyp is, het geld gemors. Gdens ft.com gesê alle EU-regerings moet hul beloftes gestand doen en die EU se begrotingsreëls oor die beperking van skuld en tekorte nakom. “Dit is nog te gou om die laaste sakramente aan dié lopie te bedien.” − Chris Beauchamp, hoofbemarkingsontleder by IG, se kommentaar aan ft.com nadat die S&P 500 op 21 Maart met 1,2% teruggesak het, die eerste daling van meer as 1% sedert Oktober. Sommige…

die ekonomieë van lande wat basiese natuurwetenskap bestudeer, groei vinniger, sê Klaus Jaffe, koördineerder in die sentrum vir strategiese studies aan Simón Bolívar-Universiteit in Venezuela. Uit hul bestudering van Wêreldbankdata oor bruto binnelandse produkte en natuurwetenskaplike publikasies in arm en middelinkomste-lande het Jaffe en sy span bevind dat wetenskaplike produktiwiteit in basiese natuurwetenskap – waaronder fisika, chemie en materiaalwetenskappe – in die daaropvolgende vyf jaar ’n sterk verband met lande se ekonomiese groei toon. vVerreweg die meeste skole het nie wetenskaplaboratoriums nie, volgens syfers wat die departement van basiese onderwys in 2015 uitgereik het. In syfers: 86% van die land se 23 589 gewone staatskole het nie ’n wetenskaplaboratorium nie. “In die meeste plattelandse en township- skole word natuurwetenskap, waar ervaringsonderrig verkieslik is, uit ’n handboek onderrig.” In die meeste…

omtrent 280 km noordoos van Yellowknife, die grootste dorp in Kanada se Noordwestelike Gebiede (NWG), is Gahcho Kué – die Chipewyan vir “plek van die groot haas” – hoewel kariboebokke, en ook diamante, inheems aan die streek is. Dit is hier, bokant die boomsoom en slegs 400 km suid van die Noordpoolsirkel, wat De Beers, in ’n gesamentlike onderneming met Mountain Province Mining, K$1 miljard (R9,5 miljard) belê het in die bou van Kanada se eerste diamantmyn in agt jaar. Dit is ’n moeilike omgewing en toon die probleme om nuwe bronne van diamante vind. Dit is steeds verbasend om te hoor: van sowat 7 000 kimberlietpype wat oor die jare getoets is, het slegs 60 genoeg diamante bevat om ’n myn te regverdig – sowat 1% van die totaal.…