Finweek - Afrikaans 08-jun-17

W at ’n maand was Mei nie, met voorheen geheime skandes wat oral in die land kop begin uitsteek het. Soos Tito Mboweni, lid van die ANC se nasionale uitvoerende komitee en ’n voormalige president van die Reserwebank, op Twitter gewaarsku het: “Moet asseblief nie verras wees deur politieke vuilspel van nou af tot Desember nie. Dit gaan vuil spel wees! Daar is baie op die spel, wees dus versigtig.” As jy die daaglikse nuus met ’n greintjie sout lees, kyk gerus na die nuwe navorsingsverslag Betrayal of the Promise: How South Africa is being Stolen, deur hooggeagte akademici van vier van die land se voorste universiteite. Die 72-bladsyverslag verduidelik hoe die sogenaamde skaduweestaat, wat mense soos die Zumas en Guptas na bewering fabelagtig verryk het, in Suid-Afrika verskans geword het.…

algehele verwoesting staar die Suid-Afrikaanse ekonomie in die gesig danksy die bom wat president Jacob Zuma op Donderdag 30 Maart 2017 kort voor middernag vanuit sy huis in Bryntirion laat ontplof het. Asof die skade van sy eerste aanslag teen die departement in Desember 2015 nie erg genoeg was nie (R500 miljard se waarde is vernietig toe Nhlanhla Nene as minister van finansies ontslaan is), het die "Bomwerper van Bryntirion" roekeloos ’n tweede keer toegeslaan om nog groter skade aan te rig. Onder die bevel van die Guptas, sy betaalmeesters, het Zuma nog ’n minister van finansies wat staatskapers en plunderaars moedig beveg het, afgedank. Met sy neutralisering van Pravin Gordhan het Zuma van ’n strydros ontslae geraak en hom met ’n handperd vervang. Als sodat die saboteurs van Saxonwold…

“ONS EUROPEËRS MOET WERKLIK ONS LOT IN ONS EIE HANDE NEEM.” − Die Duitse bondskanselier, Angela Merkel, in ’n toespraak tydens ’n verkiesingsbyeenkoms in München kort nadat president Donald Trump ná sy staatsbesoek, waartydens hy in Duitsland aangedoen het, na Washington teruggekeer het. Volgens Merkel het die tyd aange.” Merkel se opmerkings word beskou as ’n moontlike waarskuwing dat Duitsland sy bestaande Atlantiese bondgenootskap met Amerika kan verbreek te midde van verskeie omstrede politieke stappe deur Trump. “Die ANC wil hê dié besluit moet in werking gestel word. Hy wil nie hê die besluit moet onder in die kas weggepak word nie, want dié kwessie van staatskaping is besig om die ANC weg te vreet.” − Die adjunkpresident van die ANC, Cyril Ramaphosa, oor die party se steun vir die…

mynbouaandele in die algemeen sal vir seker geraak word indien Mosebenzi Zwane, mynbouminister, sy belofte deurvoer om ’n “revolusionêre” nuwe mynbouhandves, die derde sedert 2004, in die Staatskoerant af te kondig. Op ’n nuuskonferensie op 16 Mei net voor sy begrotingsrede in die parlement het Zwane die nuwe handves beskryf as “ ’n revolusionêre instrument” wat die bedryf se dreigement sal besweer om ’n dokument wat hy nie goedkeur nie, hof toe te vat. Hoe Zwane beoog om dít reg te kry, terselfdertyd radikale ekonomiese transformasie te bewerkstellig én die Kamer van Mynwese tevrede te stel, is ’n misterie, veral vir die Kamer, wat die dokument nog nie gesien het nie. Die gewysigde mynbouhandves was laas in November in die openbare oog toe die departement van mineralebronne (DMR) voor die…

Wat die fondsbestuurder sê: ’n Belangrike faktor vir die fonds en sy sektor vir die res van die jaar, veral as die groot hoeveelheid randverskansing in die maatstaf in ag geneem word, is hoe die rand sal presteer en die impak wat dit op markopbrengste sal hê, sê Adrian Zetler, fondsbestuurder. “Ongelukkig sal die prestasie van die fonds sterk beïnvloed word deur hoe politieke gebeurtenisse in die volgende paar maande ontwikkel, en veral die uitkoms van die ANC se verkiesingskonferensie wat in Desember gehou sal word,” sê Zetler. “Die uitkoms van gebeure van dié aard is altyd baie moeilik om korrek te voorspel. Ons bly egter daarvan oortuig dat ons onder-tot-bo-aandeelseleksieproses, tesame met ons portefeuljekonstruksie, ’n ‘anti-brose’ portefeulje geskep het wat resultate kan lewer ongeag die uitkoms van enkele gebeurtenisse…

die Spar Group is in 1932 in Nederland gestig en in 1963 in Suid-Afrika geloods toe agt groothandelaars die regte gekry het om die Spar-naam te gebruik. Spar het vandag ’n voetspoor van meer as 2 000 winkels in Suider-Afrika wat sake doen onder die Spar-, Superspar-, Kwikspar-, SaveMor-, Build it-, Tops at Spar- en Pharmacy at Spar-handelsmerke. Hy besit ook Spar Switzerland, met meer as 300 winkels, en BWG Group, wat meer as 1 300 winkels in Ierland en Engeland bedien. Basies berg en versprei Spar kruideniersware en ander produkte aan onafhanklike kleinhandelaars met die Sparhandelsnaam. (Die groep besit nege winkels regstreeks, “maar dit is suiwer defensief om belangrike kleinhandelsliggings te behou”.) Hoewel winkeleienaars voorraad hoofsaaklik deur die Spar-stelsel koop, mag hulle ook eksterne goedere aanhou. Dit stel eienaars…