Finweek - Afrikaans 16-nov-17

“Ons is basies ’n rampokkerstaat,” het die ondersoekende joernalis Jacques Pauw in ’n video-onderhoud met News24 gesê oor sy boeiende nuwe boek, The President’s Keepers, waarin hy die vernietiging uiteensit wat president Jacob Zuma en “die mense wat hom aan die bewind en uit die tronk hou”, by sleutelinstellings soos die Staatsveiligheidsagentskap, die Suid-Afrikaanse Inkomstediens (SAID), die Valke en die Nasionale Vervolgingsgesag veroorsaak. Dit is beslis ’n boek wat liewer met ’n stywe dop binne grypafstand gelees moet word. Soos Anton Harber, akademikus aan die Universiteit van die Witwatersrand, skryf in ’n resensie wat op The Conversaton Africa gepubliseer is: “Selfs al is net die helfte daarvan waar, is dit ysingwekkend.” Vir ’n selfs vollediger prentjie van wat in die land gebeur, beveel Harber ook Crispian Olver se How to…

as mens in Harare rondry sal jy iets buitengewoon opmerk. Buitelugadvertensieborde oor die stad heen adverteer nie die jongste model motor, databondel of waspoeier nie; byna elke advertensiebord adverteer kerkdienste. Hulle volg almal ’n presiese resep: langs die foto van die charismatiese geestelike leier is die datum van die byeenkoms en ’n belofte wat die beste in die volgende voorbeeld opgesom word: “Vryheid van armoede; vryheid van siektes; vryheid van onvrugbaarheid.” Die implikasie is: sluit by ons aan om jou materiële welvaart te verbeter. Tydens ’n besoek vroeër vanjaar, het ek met verskeie universiteitstudente gesels wat dié dienste bywoon. Een van hulle het vertel van ’n pastoor wat een Sondag by sy kerk opgedaag het met ’n vragmotor vol bakstene. Dit was “geseënde bakstene”, het hy aangevoer; bou een van…

die Johannesburg Mining Indaba het onlangs die Instituut vir Rasseverhoudinge (IRV) genooi om ’n voorlegging te doen tydens dié jaarlikse byeenkoms. Hulle het ons vrye teuels gegee om ’n nuwe en sterk beleidsraamwerk vir die mynbedryf op te stel – een wat ons oortuig is die beste belange van Suid-Afrikaners in ooreenstemming sal bring met dié van die bedryf, die regering en die vakbonde. Ons het verduidelik dat die huidige mynbeleid nie voldoen aan enige van die voorwaardes om die “voorspelbare, mededingende en stabiele regulerende raamwerk” te wees wat die ANC bepleit het toe hy die Nasionale Ontwikkelingsplan as Suid-Afrika se oorkoepelende beleidsbloudruk ondersteun het nie. Die Wet op die Ontwikkeling van Minerale- en Petroleumhulpbronne (MPRDA) van 2002 en sy gepaardgaande Mynbouhandves het regulerende onsekerhede ingestel wat vlakke van mynboubelegging…

“ONS MOET DOEN WAT ONS VAN DIE REGERING VERWAG, EN DIT IS OM TE SORG DAT ONS DIE EKONOMIE MOET LAAT GROEI.” – Bernard Swanepoel, voorsitter van die Small Business Institute, se kommentaar oor die noodsaaklikheid daarvan dat sake-eienaars in moeilike ekonomiese tye geleenthede elders moet soek. Dit is van kritieke belang, het hy aan finweek gesê, omdat ’n ekonomie wat nie groei nie, nie sal oorleef nie. “In baie gevalle word mense uit hul geriefsone geskud wanneer dinge moeilik word,” het hy gewaarsku. Met baie ekonomieë in Afrika wat met tussen 5% en 8% groei, is daar geen rede waarom ons nie deel van hierdie Afrikagroeistorie kan wees nie, het hy gesê, en bygevoeg dat baie Suid-Afrikaanse maatskappye geleenthede op die vasteland soek. (Sien storie op bladsy 44.) “EK…

as daar al ooit ’n bewys was dat Bernard Swanepoel, voormalige uitvoerende hoof van Harmony Gold, vrede gemaak het met die verlede, was dit sekerlik sy besluit om sy eertydse opponent – Ian Cockerill, voorheen uitvoerende hoof van Gold Fields – in die Mining Hall of Fame op te neem. Die Mining Hall of Fame is ’n produk van Swanepoel se Joburg Indaba, bedoel om belangrike bydraers tot die mynbousektor te vereer en ook ’n tikkie nostalgie en selfs glorie te voeg by die funksie se galadinee, waarmee die jaarlikse geleentheid open. So tree Cockerill toe na vore om sy toekenning by Swanepoel te ontvang. Die twee was geswore vyande, minstens met Swanepoel se poging tot ’n vyandige oorname van Gold Fields, wat misluk het en die begin van die…

*finweek is ’n publikasie van Media24, ‘n filiaal van Naspers. Wat sê die fondsbestuurder? Die Top Choice Equity Fund verteenwoordig die beste idees van die algemene-ekwiteits- en sektorspesialiste by Sanlam Investment Management (SIM). Omdat dit ’n gekonsentreerde aanbod is, kan beleggers dit sien as hul persoonlikerekeningportefeulje, sê Patrice Rassou, hoof van ekwiteite by SIM en fondsbestuurder. “Ons beoog om sowat 250 groot- en kleinkapitaalaandele en sowat 20 van die beste idees te bekyk wat waarskynlik die mark op lang termyn sal uitpresteer,” verduidelik hy. Dié idees kom van ’n span ontleders wat kundiges in hulle veld is. “As pragmatiese waardebeleggers, bly ’n baie deeglike van-onder-tot-bo-waardasieproses ons grondslag om onderwaardeerde aandele te identifiseer.” Volgens Rassou behoort beleggers wat hulle geld op lang termyn wil laat groei, die fonds te oorweeg, “omdat…