Finweek - Afrikaans 30-nov-17

dit was ’n perfekte Johannesburgse vroegsomersaand in Soweto; die straat aan die gons met mense wat ná werk huis toe keer; die belofte van ’n laataand-donderbui in die lug. Cyril Ramaphosa sou sy ekonomiese plan vir Suid-Afrika voorlê in ’n saal vol ondersteuners en swaargewigsakelui, onder wie Stephen Koseff van Investec, Johan Burger van FirstRand en Colin Coleman van Goldman Sachs. Ramaphosa kon nie ’n vriendeliker gehoor kry nie. Die atmosfeer was gelaai; baie mense het gesing en gedans en nie geskroom om hul anti-Zumagevoelens te wys nie. By Ramaphosa se aankoms het mens byna gewens dat hy eenvoudig die formaliteite sou oorslaan en ons almal lekker sou laat saamsing en huis toe laat gaan – ons vertroue herstel in hoe wonderlik Suid-Afrika is. Maar hy het sy “New Deal”…

enkele maande gelede het ek die Computer History Museum in Mountain View, Kalifornië besoek. Dié museum, waar meer as 90 000 items uitgestal word, is aan die rekenaaromwenteling gewy – van die oorsprong daarvan in die 20ste eeu tot vandag se selfbestuurvoertuie. Om al die ingrypende veranderings in tegnologie van die afgelope drie dekades te sien, was merkwaardig. Die uitstalling oor mobiele rekenaarverwerking het dinge na my mening die beste saamgevat met van die vroegste skootrekenaars uit die 1980’s tot ’n hedendaagse iPhone. Wat die uitstalling ook duidelik gewys het, was dat die ingeligtes aan die begin van die omwenteling reg was oor die transformerende invloed van rekenaars, maar byna vir seker verkeerd was oor juis hoe dit ons sou beïnvloed. Nou staan ons aan die vooraand van nog ’n…

Fintegs benodig die risikobestuur en ander agterkantoorvermoëns van gevestigde banke as hulle ’n erkende en nakomingsregsidentiteit wil opbou. finansiële tegnologieë (fintegs) bied ’n wonderlike vennootskapsgeleentheid aan Afrika se banke, veral om baie van die kontinent se endemiese kontantbestuur- en likiditeitsuitdagings te takel. Fintegs bestaan ook dikwels in ’n regs-, wetgewende en nakomingsniemandsland. Fintegs benodig die risikobestuur en ander agterkantoorvermoëns van gevestigde banke as hulle ’n erkende en nakomingsregsidentiteit wil opbou. Hulle klein grootte en vestigingsgeaardheid beteken ook dat fintegs toegang tot die groot en gevestigde kliëntebasis van banke benodig. Fintegs is spesifiek relevant vir Afrika se banke wat betref die ontwikkeling van digitale antwoorde vir baie van Afrika se tradisionele bankuitdagings. Dit sluit in: Wetgewing – Elke Afrikaland het sy eie bank, uitvoerbeheer- en algemenesakereëls en wetgewing wat uitdagings bied…

“WAT ZIMBABWIËRS WIL HÊ, WAT ONS REGTIG IN DIE STRATE SAL LAAT DANS, SOOS ONS IN 1980 GEDOEN HET, IS DIE KANS OM ONS EIE TOEKOMS TE BEPAAL – EN WIE ONS IN DAARDIE TOEKOMS IN SAL LEI.” – Wilf Mbanga, redakteur van The Zimbabwean, in ’n meningstuk wat op theguardian.com gepubliseer is. Zimbabwe se president Robert Mugabe se “37 jaar in beheer het gelei tot oneerlike verkiesings, die moord op, en marteling van, sy teenstanders, die inbeslagneming van produktiewe landbougrond, die ergste hiperinflasie in die geskiedenis, en die onbeheerste plundering en diefstal van die land se hulpbronne deur sy ondersteuners,” het Mbanga geskryf. “En die man wat by hom oorneem [Emmerson Mnangagwa], was die hele tyd sy hoofverkiesingsagent.” “Hoe goedkoper die aandelemark is wanneer jy begin belê, hoe meer geld…

toe Raymond Ackerman sy eerste uitverkoping vir Pick n Pay gehou het deur hoenders teen ’n baie lae prys aan te bied, het daar tot sy verbasing (en groot plesier) lang toue voor sy winkels (daar was toe nog net drie) gestaan. As die JSE ’n uitverkoping hou, dan is Jan en Alleman skaars te sien en kla oor die lae pryse. Omtrent net ervare waardebeleggers koop tydens die mismoedigheid wat beermarklaagtepunte kenmerk. Byvoorbeeld, vroeg verlede jaar was kommoditeitsaandele stiefkinders en het twee grotes, Anglo American en Glencore, in Januarie teen winskooppryse van onderskeidelik 5 082c en 1 692c verhandel. Sedertdien het Anglo met bykans 450% gestyg en Glencore met 310%. Dus, ’n beermark wat omgeskakel het in ’n bulmark, wat ’n tipiese siklus is op die JSE in sy…

Wat die fondsbestuurder sê: Dié fonds is een van die min gebalanseerde fondse wat nie alleen Sjaria-voldoenend is nie maar ook ’n groot partydigheid het vir omgewings-, maatskaplike en bestuursoorwegings (OMB), sê Maahir Jakoet, beleggingsontleder vir Old Mutual Customised Solutions. “’n Opmerklike eienskap van die internasionale komponent binne die fonds, is dat dit ontwerp is aan OMB-beginsels.” Die fonds se strategie is om groter opbrengs en minder wisselvalligheid as die mark te behaal. Die fonds het hoë blootstelling aan internasionale produkte, wat dit in staat stel om groter diversifikasie te behaal en gevolglik minder wisselvallig te wees. “Aandele het nog altyd beter opbrengste as die ander bateklasse behaal. Ons hoë blootstelling aan aandele bevoordeel ons en binne die aandele is ons geplaas om laer vlakke van wisselvalligheid as die fonds…