Finweek - Afrikaans 21-Jun-18

lewers tussen die jongste petrolprysverhoging, ’n rand wat ineenstort en ’n yskoue winter op die Hoëveld, het my optimisme vir 2018 in die niet verdwyn. Dit is dus met min entoesiasme wat ek die jongste verslag van die Internasionale Monetêre Fonds (IMF) oor die Suid-Afrikaanse ekonomie gelees het, wat soos verwag, die noodsaaklikheid vir strukturele hervormings onderstreep om groei te vermeerder, werksgeleenthede te skep en ons fiskale posisie te verbeter. Talle van die voorstelle in die verslag is al langer as ’n dekade deel van regeringsbeleid – dalk kan ons verwag dat hulle enige oomblik ingestel gaan word? Die werklikheid is dat die veranderings wat aangebring moet word – die verbetering van vaardighede; die verlaging van die koste van spoorvervoer en hawetariewe; om meer privaatsektorspelers in energieverspreiding betrokke te kry;…

daar is min twyfel: akademici het die beste werk. Wanneer ons klasgee kan ons jong, slim verstande volstop met idees waaroor ons omgee en in glo. Wanneer ons navorsing doen, kan ons dié idees verder verken, en die wêreld en hoe dit werk ’n bietjie beter verstaan. Ons werk dikwels in ’n rustige omgewing, omring deur mense wat soos ons soek na (die) waarheid. Vir dié van ons wat mense vermy, is daar boeke wat dieselfde ding doen. Partykeer reis ons na lekker plekke toe en ontmoet mense wat soos ons dink en ruil idees uit. Partykeer neem ons selfs sabbatsverlof om nog meer na te dink oor die wêreld en hoe dit werk, sonder dat ons enigiets anders hoef te doen. Die beste van alles? Selfs al doen ons…

miljoene Suid-Afrikaanse werksoekers, wat gebuk gaan onder die swaar las van een van die hoogste werkloosheidsyfers ter wêreld, wonder sekerlik hoe ’n krimpende ekonomie soos ons s’n werksgeleenthede gaan lewer wat hulle in staat sal stel om vir hul gesinne van kos te voorsien. Ná groei van 3,1% in die derde kwartaal van 2017 het die ekonomie die grootste inkrimping in nege jaar getoon deur in die eerste kwartaal van 2018 onverwags met 2,2% te krimp, afgetrek deur beduidende afnames in mynbou, vervaardiging, landbou en konstruksie. Die afname in die land se ekonomiese prestasie voorspel niks goeds nie vir dié wat immer ontwykende werksgeleenthede nastreef, of entrepreneurs wat hul ondernemings wil uitbrei nie. Erger nog, is dat ons ekonomie vasgevang is in wat ekonome ’n “valstrik van lae groei” noem.…

“Die goeie nuus hou nie vir altyd aan nie.” – Bert Ely, ’n adjunk-vakkundige verbonde aan die Cato Institute en ’n prinsipaal van Ely & Company, in ’n onderhoud met die Financial Times oor die groot dalings in die aandeelpryse van internasionale finansiële instellings wat deur die Raad vir Finansiële Bestendigheid, wat in Basel gesetel is, as sistemies belangrik beskou word. Daar is 39 van dié sogenaamde “Sifi’s” en 16 het sedert hul onlangse hoogtepunte met meer as 20% in dollarwaarde gedaal, wat aan die standaard-definisie van ’n beermark voldoen, berig ft.com. Ian Harnett, besturende direkteur vir internasionale strategie van Absolute Strategy Research in Londen, het aan ft.com gesê dié gesinchroniseerde dalings dui op wêreldwye finansiële stres. “DAAR KAN NIE VAN WERKNEMERS VERWAG WORD OM ESKOM SE SWAK FINANSIËLE BESTUUR,…

toe die masjienleer-renaissance in 2013 begin het, danksy die ontwikkeling van nuwe grafieseverwerkingseenhede wat dataprosessering met meer as honderd keer laat versnel het, het Frans Cronje en Daniel Schwartzkopff begin om hulself te posisioneer om die gaping in die plaaslike mark te vul. “Ek en Daniel het ontmoet terwyl ons met voorgraadse studies aan die Universiteit van Kaapstad besig was en het saam met die idee na vore gekom om ’n kunsmatige-intelligensiemaatskappy te begin,” sê Frans Cronje, die besturende direkteur van DataProphet. “Destyds was daar feitlik geen kompetisie in die veld nie en vaardighede was skaars; mens kon nie eers masjienleer plaaslik studeer nie.” Hulle het aanvanklik masjienleerkonsultasiedienste aan kleinhandel-, vervaardigings- en finansieringsmaatskappye gebied en toe die sprong na die produktemark geneem toe hulle DataProphet in 2015 gestig het. “Ons…

de Beers, wat 85% in Anglo American se besit is, het dalk ’n strategiese slag geslaan met sy planne om ’n nuwe handelsmerk vir kunsdiamante bekend te stel. Dié diamante word in ’n laboratorium gekweek. De Beers het egter lank reeds ’n bemarkingsveldtog teen kunsdiamante gevoer. Trouens, die groep het verlede jaar sowat $140 miljoen bestee aan die bevordering van natuurlike diamante, wat hy sê werklik die emosies verteenwoordig van trouringe, verjaarsdag- en ander geskenke. Nou het De Beers egter heeltemal van deuntjie verander deur sy Lightbox-reeks van kunsdiamante bekend te stel. Wat kan die gevolg wees? Volgens ontleders is dit nie werklik soveel van ’n erkenning van kunsdiamante as wat dit lyk nie (hoewel De Beers ’n reeks kunsdiamante het wat hoofsaaklik vir nywerheidsdoeleindes gebruik word). Dit is eerder…