Finweek - Afrikaans 24 September 2015

Kontak Finweek by Kingsway 69, Auckland Park, Johannesburg 2092, (011) 713-9601 (tel) of terugvoer@finweek.co.za Lesers se menings word na goeddunke deur Finweek geredigeer en gepubliseer. Hierdie menings weerspieël nie noodwendig dié van die uitgewer nie. STUUR U FINANSIËLE VRAE AAN ONS BY TERUGVOER@FINWEEK.CO.ZA DIE KIES VAN EIENDOMSAANDELE JOHN KAYE SKRYF PER EPOS: Ek stel belang daarin om in eiendomsaandele te belê, maar ek wil dit nie graag deur middel van ’n aktief bestuurde effektetrust doen nie weens hul hoë kostestrukture, ook nie deur middel van ’n passief bestuurde indeksfonds soos Prop-Trax SAPY (wat die FTSE/JSE se plaaslik genoteerde eiendomsindeks naspoor) nie weens sy omvattende mengsel van aandele, wat swak presteerders insluit. My doelwit is om ’n klein portefeulje saam te stel (miskien vier of vyf aandele) wat groei sowel as ’n redelike…

KRISIS IN SIRIË $738 M Die minimum bedrag (R9,9 miljard) wat die Wêreldvoedselprogram benodig om die res van die jaar kos aan 5 miljoen mense in Sirië te verskaf. Sedert die konflik in Sirië in 2011 begin het, is 250 000 mense dood en die helfte van die bevolking het gevlug, met 7,6 miljoen ontheemde mense in die land en 4 miljoen wat oorgrens gevlug het, berug theguardian.com. BIERTRANSAKSIE BORREL $250 MILJARD Anheuser-Busch Inbev, die wêreld se grootste brouer, wat Budweiser en Stella Artois besit en waarvan die hoofkantoor in België is, het SABMiller, met handelsmerke soos Peroni, Castle en Grolsch, in kennis gestel dat hy ’n oorname wil doen, wat albei se aandeelprys op 16 September skerp laat styg het. ’n Formele aanbod is nog nie gedoen nie, maar…

Ekonomies gaan dinge sleg in Nigerië. ’n Mens sien dit as jy kyk na die prys van ru-olie. Sedert die middel van verlede jaar was dit nie naastenby genoeg om die skade aan die ekonomie te herstel nie. Nou het JPMorgan Chase aangekondig hulle gaan Nigerië verwyder uit hul effekte-indeks vir ontluikende markte. Dit maak dit vir die buitebelegger duidelik wat ons aan die binnekant lankal weet aan die gang is. Dit het aandelepryse swaar getref en die maatstafeffekte-opbrengste hoër gedruk. As jy Nigerië volg deur die prestasie van die aandelemark en die waarde van die geldeenheid dop te hou, is dit, tesame met die prys van ru-olie, aan die internasionale belegger ’n sterk aanduiding van wat tans hier gebeur. ’n Land wat voorheen danksy sy groeiende bevolking en uitstekende…

Huiskoop is waarskynlik die enkele grootste finansiële uitgawe wat die meeste van ons sal maak. En hoewel dit ’n uiters emosiegelaaide besluit is, is dit dikwels vir baie voornemende huiseienaars ook ’n geval van ’n dak oor hul kop plaas, wat net so belangrik is as om hul swaarverdiende loon in ’n huis as bate te stort. Tog sal ons almal nie in staat wees om dié pad te loop nie. Dit word altyd deur bekostigbaarheid voorgeskryf, wat op sy beurt deur faktore soos inkomste, rentekoerse, kredietgradering en jou deposito bepaal word. Dit lyk of daar min begrip vir bekostigbaarheid is. “Die grootste uitdaging met betrekking tot die bepaling van bekostigbaarheid is nie die evalueringsproses nie, maar eerder die kliënt se interpretasie van en begrip vir hul eie finansiële situasie,”…

Jy kan die huis verander, maar nie die ligging nie. Ligging is waarskynlik die belangrikste faktor wanneer ’n huis gekoop word, en is ook ’n hoofbepaler van prys en waarde. Die pryse en waardes van eiendomme met ’n uitstekende ligging – dié na aan sakedistrikte, goeie skole en by goeie vervoerdeurgangsroetes – is ook geneig om in moeilike ekonomiese tye standvastiger te wees. “Bopuntgebiede is geneig om hul waarde selfs tydens ’n ekonomiese afswaai te behou. Mens kry dalk nie in ’n slegte ekonomiese klimaat skouspelagtige aanbiedings nie, maar jy sal waarskynlik steeds ’n goeie prys kry,” sê Samuel Seeff van Seeff Properties. Hy sê ’n paar uitstekende gebiede om in te belê, is Kaapstad se Atlantiese kusstrook en stadskom, waar eiendomswaardes op ’n jaargrondslag bly styg, of ander kusgebiede,…

Om vir ’n deposito te spaar verg ’n streng begroting en gedissiplineerde besteding. Selfs diegene wat nie geld aan nie-noodsaaklike items bestee nie, sal ongeveer R2 500 per maand (rente uitgesluit) moet spaar indien hulle oor ’n tydperk van vyf jaar ’n deposito van 10% wil spaar op ’n huis wat R1,5 miljoen kos. Glad nie maklik nie, maar nie onmoontlik as jy gedissiplineerd is nie. 1. BESTEE MINDER AS WAT JY VERDIEN. Stel ’n bereikbare spaardoelwit, en ongeag die meganisme wat jy gebruik om te spaar, moet jy ’n realistiese tyd toelaat om jou spaargeld op te bou. 2. HUUR KLEIN TERWYL JY SPAAR. ’n Goeie manier om vir ’n deposito te spaar, sê Kellerman, is om ’n bekostigbaarder eiendom te huur en om die ekstra bedrag wat jy…