Finweek - Afrikaans 01 October 2015

Kontak Finweek by Kingsway 69, Auckland Park, Johannesburg 2092, (011) 713-9601 (tel) of terugvoer@finweek.co.za Lesers se menings word na goeddunke deur Finweek geredigeer en gepubliseer. Hierdie menings weerspieël nie noodwendig dié van die uitgewer nie. STUUR U FINANSIËLE VRAE AAN ONS BY TERUGVOER@FINWEEK.CO.ZA TOEVALLIGE SIMBOLIEK ANNELI GROENEWALD, ADJUNKREDAKTEUR VAN FINWEEK, SKRYF: Die toestand van ons nasionale rugbyspan kan geensins beskou word as ’n maatstaf vir hoe gesond die Suid-Afrikaanse ekonomie (of selfs demokrasie) is nie. Tog gee die toeval ons soms ’n geleentheid om ’n klompie teoretiese verbande te trek. Twintig jaar gelede het Suid-Afrika pas ’n nuwe blaadjie omgeslaan. Die land was ’n jong demokrasie en was, met sy taamlik vreedsame oorgang pas agter die rug, die wêreld se liefling. Boonop wen ons toe die wêreldbeker in rugby, en…

Suid-Afrika se ekonomiese groei was die afgelope paar jaar besonder swak. Die gemiddelde BBP-groei sedert 1994 is 3,1%. Ons het die syfer nie naastenby bereik sedert 2012 nie, en hierdie swak groei-omgewing sal waarskynlik voortduur. Ons verwag dat groei vanjaar gemiddeld 1,4% gaan wees en volgende jaar tot 1,2% gaan afneem. Twee belangrike tendense gee gestalte aan dié vooruitsig. Groei in binnelandse uitgawes gaan verder afneem, terwyl groei in produksie en uitvoer waarskynlik swak gaan bly, wat gedeeltelik vir swak besteding gaan vergoed. VERSKEIE FAKTORE GAAN GROEI IN VERBRUIKERSBESTEDING NADELIG RAAK. 1. Daar gaan deurlopende fiskale konsolidasie wees. ’n Verdere inkorting van die styging in staatsbesteding is nodig as die teiken van ’n begrotingstekort van ongeveer 2,5% van BBP teen die 2017-2018-belastingjaar bereik wil word. Die regering se ramings van…

Veronderstel jy is ’n jong entrepreneur wat ’n winsgewende IT-onderneming opgebou het. Jy kan uitbrei deur óf alles alleen aan te pak, óf deur miskien ’n vennootskap met ’n meer gevestigde internasio nale firma aan te gaan. Watter opsie moet jy kies? Knoop die vennootskap aan met die multinasionale maatskappy, is die bevinding van ’n navorsingsverslag getiteld Does Foreign Entry Spur Innovation? deur drie Amerikaanse handelsekonome, Yuriy Gorodnichenko, Jan Svejnar en Katherine Terrell. Hulle het gevind dat deur ’n groot datastel van 18 lande op ondernemingsvlak te gebruik, buitelandse direkte belegging (FDI) ’n groot positiewe uitwerking op die produk en tegnologie-innovasie van binnelandse firmas in ontluikende lande het. Met ander woorde, dié binnelandse firmas wat FDI ontvang, word met die verloop van tyd meer innoverend as ander plaaslike firmas. Handelsekonome…

VOLKSWAGEN DUIK 23% Die Duitse motorvervaardiger Volkswagen AG se aandeelprys het op 21 September in Frankfurt met tot 23% gedaal en sowat €15,6 miljard (R237 miljard) van sy markkapitaal uitgewis na sy erkenning dat hy jare lank met Amerikaanse lugbesoedelingstoetse gekul het, berig Bloomberg. Amerika het hom gebied om sowat 500000 van sy dieselaangedrewe Audi- en Volkswagenmodelle te herroep. VERLORE LANDSBURGERS ±2 000 Die afgelope vier jaar het sowat 2 000 Suid-Afrikaners hul burgerskap ingeboet deur burgerskap van ander lande te verkry, berig Business Day. Ingevolge 2004 se wysigings aan artikel 6 van die Wet op SuidAfrikaanse Burgerskap moet landsburgers met dubbele burgerskap hul Suid-Afrikaanse paspoorte behou en hernu. Hulle moet met hul Suid-Afrikaanse paspoorte na Suid-Afrika reis. Doen hulle dit nie, kan die minister van binnelandse sake hul burgerskap…

Vir baie mense is die idee van toerisme in Nigerië ’n grap. Hoe sal iemand wat Nigerië die eerste keer besoek die mynveld van Lagos se berugte Murtala Muhammed-lughawe oorleef, sy pad oopveg deur die taxibestuurders en smouse buite die terminusgebou en uiteindelik sy hotel vind – om dan dalk te hoor sy bespreking is nooit gedoen nie? Dis eintlik jammer, want ten spyte van die chaos – die gemors, die jammerlike toestand van baie van die land se infrastruktuur, die korrupsie van die verkeerspolisie op die snelweë en van die doeane- en immigrasiebeamptes by die lughawens – is Nigerië ryk aan natuurlike aantreklikhede. Daar is die bergagtige deelstaat Taraba en die watervalle van die deelstate Niger en Kogi, waar die groot Niger- en Benueriviere inmekaar vloei voordat die Niger…

INTERNET EN VIDEOSPELETJIE-ADVERTENSIES BLY DIE GROEILANDSKAP OORHEERS Die tyd is verby dat die media- en vermaaklikheidsbedryf voorskriftelik kon wees oor mediagebruik. PwC se jongste verslag oor die bedryf, Global Entertainment and Media Outlook: 2015 – 2019, wys dat tegnologie en geredelike toegang tot selfone en die internet meebring dat verbruikers media gebruik op plekke, tye en pryse wat vir hulle die gerieflikste is. Gebruikers kan op hul mobiele toestelle nuus kyk of lees, na TV-programme kyk of na musiek luister waar hulle hul ook al bevind. Vandag se gebruikers wil nie twee seisoene of langer wag voordat hulle ’n TV-program op hul skerms het nie. Ter wille van onmiddellike toegang tot die jongste vermaaklikheidsinhoud is hulle bereid om ’n bedrag te bestee wat hulle as gepas daarvoor beskou. Die media-…