Finweek - Afrikaans 29 October 2015

die beste ding wat met Suid-Afrika se ekonomie kan gebeur, is miskien dat ons ’n Brasilië 2.0 word – ’n land in diep resessie met ’n hoërisiko-kredietgradering, ’n werkloosheidskrisis en korrupsieskandale wat ’n gevaar is vir die bestaansveiligheid van president Dilma Rousseff. Ons stem in baie opsigte ooreen met Brasilië – tot dusver is dit net ons betreklik goeie staatsfinansies wat verdere afgraderings verhoed. Met ander woorde, ons krisis is nie groot genoeg nie. Dit is nog nie groot genoeg om Nhlanhla Nene, minister van finansies, te dwing om die salarisse vir die openbare sektor te beheer nie. Kom ons begin deur sommige van die talle nuwe regeringsdepartemente af te skaf wat onder president Jacob Zuma soos kakiebos opgeskiet het. Brasilië het met sy besuinigingsmaatreëls tien van sy 39 ministeries…

inflasie bepaal hoeveel goedere en dienste ons met ons huidige salaris kan koop. Inflasieverwagtinge bepaal daarenteen of goedere en dienste in die toekoms meer of minder bekostigbaar gaan wees, en dus hoe ons vandag gaan optree. As ons glo inflasie gaan volgende jaar 10% wees en ons salarisverhoging net 5% (wat ons koopkrag sal verminder) is ons miskien minder geneë om daardie nuwe motor te koop. Om inflasieverwagtinge te meet en vas te stel wat mense se inflasieverwagtinge beïnvloed, is daarom vir beleidmakers – in ons geval spesifiek die Suid-Afrikaanse Reserwebank (SARB) – baie belangrik. Om inflasieverwagtinge te beheer, is die eerste stap om inflasie self te beheer. Sou daar ’n prysskok wees (byvoorbeeld met olie), sal die makro-ekonomiese gevolge minder erg wees as die Suid-Afrikaanse publiek glo Lesetja Kganyago,…

BESTUURSVERGOEDING R50,1 m. Die Openbare Beleggingskorporasie (OBK), Shoprite se grootste aandeelhouer, het teen die vergoedingspakket van R50,1 miljoen gestem wat aan Whitey Basson, uitvoerende hoof van Shoprite, toegestaan is omdat dit grootliks ’n vaste betaling eerder as op prestasie gegrond is, berig Bloomberg. Die stem is nie bindend nie. Shoprite se aandeelprys het op 19 Oktober met meer as 6% gedaal nadat die groep ’n omsetstyging van 6,7% in die drie maande tot September verklaar het, teenoor ’n styging van 12,3% verlede jaar. Hy het gewaarsku dat sy Suid-Afrikaanse klantebasis druk ondervind weens posbesnoeiings in die mynboubedryf, stygende elektrisiteitskoste, algemene arbeidsonstabiliteit en ’n gebrek aan werkskepping, berig Business Day. BUITELANDERS ONTTREK $1,7 mjd. Suid-Afrika het die afgelope jaar ’n uitvloei van altesame $1,7 miljard beleef, hoofsaaklik aangedryf deur buitelanders wat…

ek het vandeesweek gesit in die kantoor van die bestuurder van ’n klein maatskappy wat chemikalieë vir waterbehandeling in Nigerië verskaf. Hulle is al baie jare lank hier bedrywig en daarom is die bestuurder in ’n posisie om kommentaar te kan lewer op hoe sake nou is vergeleke met hoe dit onder oudpres. Goodluck Jonathan en selfs langer gelede was. Omdat Nigerië uiters polities is en die mense oor omtrent niks anders praat nie, het ons natuurlik oor pres. Muhammadu Buhari en die voortgesette skommeling van sy voorgestelde ministers in die Nigeriese senaat gesels. Teen die tyd dat jy hier lees, sal van die aanstellings dalk al begin deursyfer het, maar ons sal waarskynlik nog vir name en poste in die kabinet moet wag. “Nou hou jy van Buhari?” vra…

professionele beleggers blameer die swak stand van sake op die kommoditeitemarkte op mynmaatskappye se bestuur. Die bedryf is die afgelope vyf jaar oorstroom met netto skuld van $213 miljard, vergeleke met net $4 miljard in die tydperk 2007 tot 2010. “Die eintlike probleem in mynboumaatskappye is dat die mense op die direksies nie kundig is met die toewysing van kapitaal nie,” sê Piet Viljoen, ’n vennoot in die batebestuursmaatskappy RECM. Hy glo bestuurders, en selfs beleggers, word gemotiveer deur korttermynfaktore, terwyl hulle nie die feit in aanmerking neem nie dat dit in werklikheid jare duur om ’n myn op te bou. “Bestuurders se oogmerk is om die aandeelprys te laat styg, en hulle word gemotiveer deur fondsbestuurders en ’n bank wat net ’n transaksie wil beklink. Die direksie behoort ’n…

perdekrag en die prestasie wat dit in sy motors lewer, is BMW se kos. Maar sy verhouding met beeste en die krag afkomstig uit dié verhouding is iets nuuts. Hierdie onwaarskynlike verhouding bied aan BMW ’n nuwe manier om groenkrag te kry om sy Rosslyn-aanleg noord van Pretoria aan te dryf: met die gebruik van beesmis. En sommer baie daarvan – sowat 40 000 ton beesmis en 20 000 ton gemengde organiese afval word jaarliks deur Bio2Watt, BMW se vennoot in hernubare energie, in elektriese energie omgesit. Daar is geen tekort aan beesmis in die Bronkhorstspruitomgewing waar Bio2Watt geleë is nie. Dié aanleg is op Beefcor se perseel (een van Suid-Afrika se grootse voerkrale). Bio2Watt ontvang elke dag 500 ton organiese afval, insluitend 200 m3 tot 300 m3 vloeistof van…