Finweek - Afrikaans 19 November 2015

die naweek het ek deur Marikana gery, waar ek tussen 2012 en 2014 taamlik tyd deurgebring het. Ek sukkel nog die hele week om die gevoel van wanhoop af te skud waarmee ek altyd uit Noordwes se platinumgebied terugkeer – soveel rykdom aan natuurgawes wat verkwis word; so min verandering sigbaar sedert daardie noodlottige dag in Augustus 2012. Voeg daarby die droogte, die dalende rand, die watertekort, die sukkelende staalbedryf, Zuma se straler . . . Dit het my herinner aan ’n ander neerdrukkende Maandagoggend laat in 2012, enkele weke ná die skietery by Marikana. Mynwerkers oral in die land het gestaak. “Sad South Africa”, het The Economist dit op sy voorblad uitbasuin en in ’n snydende hoofartikel ons tekortkominge onder die vergrootglas geneem. Moody’s en Standard & Poor het…

die beraad van die Forum vir China-Afrikasamewerking wat volgende maand in Johannesburg plaasvind, sal weer die kollig laat val op betrekkinge tussen Suid-Afrika en China. Sedert die vestiging van diplomatieke bande tussen die twee lande in 1998 het die bilaterale verhouding vinnig gegroei tot een van die nouste tussen ’n Afrika-land en die opkomende globale supermoondheid. Die belangrikheid van die groeiende verhouding vir albei lande word beklemtoon deur die toenemende hoeveelheid besoeke deur politieke leiers op hoë vlak aan mekaar in die afgelope paar jaar. Onderliggend aan die sterk politieke en diplomatieke bande is groeiende ekonomiese samewerking. Vanuit die Chinese oogpunt het Suid-Afrika se minerale rykdom die verhouding strategies belangrik gemaak. China beskou ook Suid-Afrika se sterk plaaslike status as regverdiging vir samewerking op ’n strategiese vlak. Dit verduidelik waarom…

dit is verbasend dat Lonmin sy kop in die sand steek oor ’n wesenlike saak soos die wanbetaling van ’n lening aan Shanduka, wat van R2,3 miljard in 2010 tot ’n enorme R5,8 miljard teen Lonmin se September-jaareinde geëskaleer het en sy SEB-status in gevaar stel. Die maatskappy het geweier om kommentaar te lewer oor die status van sy verhouding met Shanduka of oor Shanduka se verstreke lening, behalwe deur te sê dat Lonmin wag vir Shanduka en Pembani om hul samesmelting af te handel – ’n stap waarvolgens Shanduka se belang van 9% in Lonmin na Phuthuma Nhleko se Pembani oorgedra sal word. Lonmin het ’n paar weke gelede aangedui dat hy gedink het dat Pembani reeds die bate besit, maar dis nie die geval nie. Shanduka het aangedui…

“DIT IS ’N DONKER WOLK SONDER ’N SILWER RANDJIE. EN DIT IS NIE ’N REËNWOLK NIE.” – Chris Schutte, uitvoerende hoof van Astral Foods, oor die impak wat die heersende El Niñotoestande op die landbousektor het. Weens die droogte sal Suid-Afrika na raming dié seisoen 770 000 ton mielies moet invoer, wat teen die heersende pryse sowat R2,2 miljard sal kos, sê Agri SA. Dit sal Suid-Afrika vir die eerste keer in sewe jaar ’n netto invoerder van mielies maak (sien ook bladsy 29). “Dit neem sowat ses tot nege maande voordat monetêre beleid die ekonomie bereik, so ek dink as die Fed in Desember iets doen, is dit nie noodwendig te laat nie, maar as hulle die blikkie net nog ’n ent aanskop, kan dit hulle ’n effense agterstand…

ons het onlangs van ons besittings begin verkoop. Soms is dit moeilik om mense te laat verstaan presies hoe nou politieke en fiskale verandering te alle tye in Nigerië verweef is; hoe gou ’n mens die uitwerking voel van ’n verandering in die sentrale bank se beleid; hoe maklik ’n mens die impak van proteksionistiese handelsbeleid op selfs die mees basiese aspekte van die lewe raaksien – dinge wat jy graag sou wou dink die staat nie aan kan raak nie. By wyse van vergelyking vind ek dit interessant dat ek in die meer as twee dekades wat ek in Brittanje gewoon het, nie kan onthou dat ek een keer die effek van ’n begroting gevoel het nie. Noudat ek daaraan dink is dit nogal buitengewoon. Ek gebruik die verkoop…

WAT? Sifiso Dabengwa, uitvoerende groephoof van MTN, het op 9 November met onmiddellike effek bedank nadat die Nigeriese reguleerder die groep op 26 Oktober met ’n rekordbedrag van $5,2 miljard (teen die huidige wisselkoers R74 miljard) beboet het weens die groep se versuim om 5,1 miljoen ongeregistreerde simkaarte te diskonnekteer. Daar word wyd bespiegel dat die ontvoering van die land se voormalige minister van finansies, hoofman Olu Falae, die katalisator vir die enorme boete was. Falae se ontvoerders het selfone met ongeregistreerde MTN-simkaarte gebruik om ’n losprys vir sy vrylating te eis. MTN kon boonop nie aan die owerhede die nodige inligting verskaf vir hul ondersoek nie. Phuthuma Nhleko, voormalige uitvoerende groephoof en tans nie-uitvoerende voorsitter, sal vir hoogstens ses maande die leisels as uitvoerende voorsitter oorneem terwyl die groep…