Finweek - Afrikaans 20-dec-18

tydens die Hearst Digital Media-toespraak, wat die redaksionele ontwerpdeskundige en mediastrateeg, Mario Garcia, ’n paar jaar gelede by Columbia-Universiteit gelewer het (en wat vrylik aanlyn beskikbaar is) het hy sy siening verduidelik aangaande hoe mense met die media wisselwerk in ’n wêreld van inligtingoorlading. Hy het onderskeid getref tussen die altyd-aan-oneindige inligtingswêreld waar nuus voortdurend gebeur (dink aan Twitter), en die tradisionele vorms van media – soos die tydskrif wat jy nou vashou – waar nuus ingesamel en aangebied word in ’n vasgestelde formaat met beperkte ruimte. Ons het gewoond geraak aan ’n altyd-aan-wêreld waar daar deurlopend oor nuus berig word en waar ons in staat wil wees om dit te eniger tyd te lees, sê hy. Maar volgens Garcia het mense ook die behoefte om goed in ’n vaste…

Idees, en die mense wat met hulle na vore kom, vorm ons toekoms. In dié finale uitgawe van 2018 kyk ons na vyf jong ekonome, en hulle idees aan die voorpunt van hul veld, wat ons lewens sal vorm, bewustelik of andersins, in 2019 en daarna. Een van die grootste kwelvrae wat sosiaalwetenskaplikes mee worstel is hoe om ’n gemeenskap te bou waar elkeen ’n gelyke geleentheid het om bo uit te kom. Ongelykheid opsigself is nie onregverdig nie: ons almal weet dat uitsonderlike vaardighede soos dié wat die sokkerster Lionel Messi of die Tesla-stigter Elon Musk het, beter beloon moet word. Maar wat ons as onregverdig beskou is wanneer iemand met dié vaardigheid of vermoë nie, om watter rede ook al, hul potensiaal kan bereik nie. In Amerika, soos…

vincent Smith, voormalige voorsitter van die parlement se gesamentlike grondwethersieningskomitee, het vroeër gesê die proses vir die beoogde wysiging van artikel 25 van die Grondwet oor grondonteiening sonder vergoeding gaan oor die regstelling van ’n “erfsonde”. Maar wat daarvan om ’n ander, minder voor die hand liggende grondwetlike sonde reg te stel – die reg van die publiek om sinvol aan die wetgewende proses deel te neem? Drukgroepe soos AfriForum het reeds ’n hofaansoek ingedien (ofskoon onsuksesvol) vir ’n dringende interdik teen die komitee se verslag, wat ’n wysiging van die Grondwet aanbeveel. Die aansoek was gegrond op bewerings dat die openbare deelnameproses gebrekkig was. In sy verklaring sê die parlement egter aangesien die hof die aansoek verwerp het, bevestig dit dat die parlement se openbare deelnameproses reg was. Dit…

DAPPER NUWE 2019: President Cyril Ramaphosa se besluit om vir die volgende boekjaar geen salarisverhogings vir kabinetslede goed te keur nie, is in talle opsigte verfrissend. Dit dui op ’n vasbeslotenheid om die veels te groot openbare salarisrekening onder beheer te kry en is in pas met talle hardwerkende Suid-Afrikaners se ervaring wanneer die ekonomie sukkel. EINA Verbruikers betaal vir die eerste keer in 25 jaar hoër BTW, met die koers wat vanjaar van 14% tot 15% verhoog is. Tesame met rekordhoë brandstofpryse en ’n inkrimping van die ekonomie in die tweede kwartaal het dit in 2018 ’n groot las op verbruikers se beursies geplaas. Vir 2019 is ons geld op: Die JSE wat ’n terugkeer maak ná ’n teleurstellende 2018. GROOTSTE FRUSTRASIE VAN 2018: Mislukte staatsondernemings het die land…

Tik die gebied waar jy is in, kyk of enige kragonderbrekings op hande is en beplan dan jou vakansie daarvolgens. Maps.Me As jy vanjaar die vakansiepad vat, kan dit ’n goeie idee wees om Maps.Me te gebruik – dis ’n toepassing wat toegang bied tot kaarte, selfs wanneer jy van lyn af is. Al wat jy moet doen is om die kaarte vir jou bestemming af te laai (verkieslik wanneer jy in ’n WiFi-sone of tuis is) en wanneer jy jou bestemming bereik, kan jy ry waar jy wil, of jy nou’n dataaansluiting het of nie. Die Maps Me-app werk op iOS en Android, en miljoene reisigers sweer hoog en laag by die diens. As jy dus in die feestyd gaan rondrits, moenie sonder jou kaart ry nie. Flightradar24 Sou…

die einde van die jaar is uiteindelik hier. Daar was vanjaar nêrens om weg te kruip nie, en feitlik alles is afverkoop. Hoewel baie van ons liewer van ons beleggings wil vergeet en hoop vir ’n beter jaar wat voorlê, moet ons tog ons jaarlikse hersiening doen. Ek werk eerstens my totale opbrengs vir vanjaar uit, sowel as die drie-en vyfjaaropbrengste van my verskillende portefeuljes. My portefeuljes is soos volg: langtermyn; ’n tweedevlakportefeulje; ’n handelsportefeulje; en ’n ETFkernportefeulje. Oor die laasgenoemde is ek nie bekommerd nie. Hy het ’n balans van breë ETF’s, en hulle sal doen wat die mark doen. Maar as jy nis-ETF’s het, moet jy besluit of jy hulle wil hou of wil oorskakel (ek vermy nis-ETF’s presies omdat die tydsberekening van oorskakeling moeilik is). Ek kyk…