Finweek - Afrikaans 20 June 2019

“ekonomiese groei hou wêreldwyd aan om te verswak en momentum bly broos,” sê David Malpass, president van dieWêreldbank-groep, in die Junie-publikasie oor wêreld-ekonomiese vooruitsigte. “Afwaartse risiko’s vir groei oorheers, soos handelsversperrings, opbou van staatskuld en ’n erger as verwagte verlangsaming in verskeie groot ekonomieë.” Die afgelope maande het talle waarnemers die bogenoemde faktore gebruik om aan te voer dat ’n wêreldresessie moontlik dreig. Maar terwyl die Wêreldbank sy vooruitskouing vir wêreldgroei vanjaar met 0,3 persentasiepunte tot 2,6% afgegradeer het, verwag die bank tog groei sal geleidelik weer klim tot 2,8% in 2021. Adrian Cooper, uitvoerende hoof van Oxford Economics, verwag ook nie ’n resessie nie. By ’n onlangse geleentheid in Johannesburg, het hy daarop gewys dat ons tans ’n “taamlik beskeie” verlangsaming in wêreldwye BBP-groei sien, wat nie naby die…

talent is aan die kern van die kennisekonomie. Mense wat woon in plekke wat aantreklik is vir talentvolle immigrante, soos Silicon Valley, se inkomste styg vinniger as dié van mense wat woon in plekke met ’n uitvloei van kundigheid. Dit is waarom die emigrasie van talentvolle Suid-Afrikaners ’n bron van kommer moet wees virdiegene wat omgee vir die toekoms van hierdie land van ons. Emigrasie is ’n realiteit in Suid-Afrika. Die keuse van die bestemming, selfs net as ’n gedagte-oefening, is die onderwerp van baie etenstydgesprekke – ook vir baie lesers van hierdie tydskrif, vermoed ek. Die nuusmedia bevestig daagliks dat meeren meerSuid-Afrikaners die land verlaat. FNB se eiendomsagente-opname vir die eerste kwartaal van vanjaartoon dat eiendomsverkope weens emigrasie nou 14,2% van alle verkope verteenwoordig, teenoor10% in die laaste kwartaal…

“HY BESEF DAT HY IN RAMAPHOSA IEMAND HET WAT HY KAN UITTART.” - Lukhona Mnguni, politieke ontleder in ’n opmerking aan Bloomberg oor ANC-sekretaris-generaal Ace Magashule se uitlating op ’n nuuskonferensie dat “die Nasionale Uitvoerende Komitee se lekgotla ingestem het om die mandaat van die Suid-Afrikaanse Reserwebank [SARB] verder as prysstabiliteit uit te brei om groei en indiensneming in te sluit”. Magashule se oproep om kwantitatiewe verruiming vir ontwikkelingsdoeleindes (een van die besluite by die laaste ANC-verkiesingskonferensie) het beleggers ontstel en die rand omgekrap. Die rand het ’n laagtepunt vir die jaar bereik en deur die R15/$-wisselkoers (swakste vlak sedert verlede September) gebreek het, aldus Reuters. Ontleders en beleidmakers het aan Bloomberg gesê dat die beleërde oud-president Jacob Zuma se bondgenote, soos Magashule, die geleentheid benut om moeilikheid te maak…

in 2009 het Tiaan Janse van Rensburg en sy kollegas sonderwerkgesit toe die maatskappy vir konvergerende tegnologie waarvoor hulle gewerk het, gesluit het. Om die pot aan die kook te hou het hy, Rudi Kruger en Denver Knoetzen, Technology House Solutions begin, ’n maatskappy wat in konvergerende tegnologie en die ontwikkeling van sagteware vir stedelike en diensleweringsbestuur spesialiseer. “Die idee was aanvanklik om sagteware te skep wat die bestuur van voorvalle sou vergemaklik, aangesien die afdelings in ’n maatskappy wat voorvalle aanmeld, dikwels nie dieselfde is as dié wat die situasie dan moet regstel nie,” sê Janse van Rensburg. Teen 2011 het hulle egter besef dat ’n omvattender oplossing is nodig, waarop hulle ’n nuwe afdeling genaamd Solution House Software begin het. Teen 2014 het hulle ’n platform bekendgestel wat…

Korporatiewe sterftes is selde skouspelagtig. Die prokureurs raak eerder betrokke en met ’n geswiep van die pen gaan die lewe voort. Dit was vandeesmaand die geval met Lonmin: 20 jaar nadat dit as ’n gefokusde mynbou maatskappy geskep is, is die kantoorstoele weggepak en het iemand die ligte afgeskakel. Dit het meer as ’n jaar geneem om sy slegsaandeel-samesmelting met Sibanye-Stillwater af te sluit – langer as wat dalk nodig was, maar soos altyd die geval met Lonmin is, verloop gebeure selde gemaklik. Uitvoerende hoof Ben Magara se rol in die Lonmin-verhaal het presies ses jaar gelede begin – net minder as ’n jaar ná die Marikana-gruwel, waarin sekuriteitsmagte 34 betogende mynwerkers doodgeskiet het. Tien mynwerkers is in die vorige week dood, grootliks weens wedywering tussen vakbonde. In ’n onderhoud…

Al eindig Lonmin ná 20 jaar se verhandeling, was sy oorsprong in werklikheid veel vroeër – en net só kleurryk. Die maatskappy is in 1909 as die London and Rhodesia Mining and Land Company (Lonrho) gestig, en hy was selde nié in die nuus nie. Dit was veral die geval in die 1970’s, toe hy – as ’n verbreker van sanksies regdeur die tydperk van die eensydige onafhanklikheidsverklaring van Ian Smith, eerste minister van Rhodesië – kritiek van Edward Heath, toe eerste minister van Brittanje, uitgelok het wat Lonrho “die lelike aangesig van kapitalisme” genoem het. Ryksbouers, soos Tiny Rowland, wat die maatskappy vanaf 1962 net meer as 20 jaar lank gelei het, het bloot die idee versterk. Lonrho was ’n maatskappy wat hoog gevlieg het in ’n strewe na…