Finweek - Afrikaans 10 December 2015

s ake kan nie net normaalweg voortgaan soos tevore nie, het Julius Malema, leier van die EFF, onlangs in Londen aan ’n gehoor van Britse en Amerikaanse beleggers gesê. Malema het na bemagtigingstransaksies verwys en gesê maatskappye moet werknemers, eerder as swartbemagtigingsmagnate, belange in hul bedrywighede laat verkry. Dit geld ook die groter ekonomie, soos Peter Attard Montalto, ekonoom by Nomura, onlangs in ’n navorsingsaantekening getoon het. Moet egter nie verwag dat iemand op dié waarskuwings sal let nie. Soos Montalto skryf, is Nomura “nou negatiewer as ooit vantevore oor die regering se vermoë om hervormings te doen wat groei versterk”. Dis nie wat mens wil lees in ’n week waarin twee kredietgraderingsagentskappe aankondigings oor die land se soewereineskuld-status sou doen nie. Die mark het by die skrywe hiervan verwag…

d ie aantal werksgeleenthede in Amerika, plase uitgesluit, het in Oktober met 271 000 gestyg. Dit was die grootste styging sover vanjaar en veel meer as die markverwagting. Daarby is indiensneming vir die vorige twee maande ook opwaarts aangepas. Verder het die loonstyging in Oktober tot 2,5% op ’n jaargrondslag toegeneem. Dit is die hoogste koers in ses jaar. Die sterk arbeidsmarkverslag toon dat die groeimomentum van die Amerikaanse ekonomie ondanks swak wêreldgroei sterk bly. Dit het bespiegeling laat toeneem dat die Amerikaanse Federale Reserweraad (die Fed) rentekoerse op sy Desember-vergadering sal begin verhoog. Stygende Amerikaanse rentekoerse maak vir lande soos Suid-Afrika saak, want hulle sal sowel ons finansiële markte as ekonomie raak. Die pryse van riskante bates soos aandele word aangedryf deur die winsgroeikoers en die rentekoers waarteen die…

“MY RAAD VIR VERBRUIKERS IS: GORDEL VAS – 2016 GAAN VIR ONS ALMAL BAIE MOEILIK WEES.” – Nicholas Nkosi, hoof vir voertuig- en batefinansiering van Standard Bank, in ’n onderhoud met Business Day. Die verkope van nuwe voertuie het in November op ’n jaargrondslag met 0,4% gestyg ná drie maande van dalings van tussen 8% en 9%. “Kom investeer en kom help die mense om deel van die proses van welvaartskepping te wees. Sake kan nie net normaalweg voortgaan nie. Die mense sê: ‘Julle kan nie in ons land werk sonder dat ons voordeel daaruit trek nie.’ Pleks van om aandele aan die Cyril Ramaphosas en Patrice Motsepes te gee, behoort julle aandele aan die werkers te gee.” – Julius Malema, leier van die EFF, einde November in ’n toespraak…

dit is my laaste brief as jou korrespondent in Nigerië. Dit was lekker om sommige van die beproewings en oorwinnings daarvan om op dié wonderlike, ergerlike plek te woon en te werk, met jou te deel. Hier is ’n paar sakelesse wat ek uit Nigerië geleer het: 1. WEES AANPASBAAR Nigerië respekteer nie nege tot vyf of vyf dae per week nie – hy doen elke dag heeldag sake. Hy sal nie Maandagoggend die foon antwoord nie, maar sal jou Sondag terugbel net as jy middagete wil geniet. Vergeet jou tradisionele sakestrukture en moenie probeer om Nigerië daarby te laat pas nie. Mense sál bel: Die meeste Nigeriërs sal uiteindelik nie die kans laat verbygaan om sake te doen nie. 2. ONTSPAN Niks gaan haastig gebeur nie en jy kan…

m et ’n haal van die pen het Philip Barton, uitvoerende hoof van De Beers Consolidated Mines (DBCM), laataand op 30 November meer as ’n eeu se diamantontginning in Kimberley beëindig. Die museum naby die Groot Gat – die enorme krater wat duisende mynwerkers vanaf so vroeg soos 1871 gegrawe het – sowel as De Beers Sightholder Sales, ’n maatskappy waarvan plaaslike maatskappye diamante koop en slyp, sal steeds deur DBCM, die diamantgroep se Suid-Afrikaanse filiaal, bedryf word. Die Kimberley-myn, met sy uitskotdamme, is egter verkoop, na verneem word, vir meer as R100 miljoen. DBCM het nou geen mynboubedrywighede in Kimberley nie; die aflosstokkie is aangegee aan ’n gesamentlike onderneming bestaande uit Ekapa Mining, wat in Kimberley gesetel is, en Petra Diamonds, wat in Brittanje gesetel is en deur die…

d it was ’n moeilike jaar, maar Vukile Property Fund het resultate gelewer wat ooreenstem met die leiding wat hy gee. Hy het groei van 7% in uitkerings per aandeel aangekondig, sowel as ’n styging van 27,7% in uitkeerbare inkomste en 6,1% in netto eiendominkomste vir sy halfjaar tot 30 September 2015. Sterk fokus op kostebeheer, wat die verlaging van die bedryfskosteverhouding van 17,3% tot 16% insluit, asook die vermindering van vakatures en ’n positiewe huuromkeer, insluitende ’n kleinhandelsomkering van 13,6%, het daartoe bygedra dat die JSE-genoteerde eiendomsbeleggingstrust (Reit) sterk bedryfsresultate aangekondig het. Dié kleinhandelsgefokusde fonds het ’n totale batebasiswaarde van R15,9 miljard, waarvan 70% van die portefeuljewaarde kleinhandelseiendom is. Hoewel kleinhandelstrategie meer deur nodus as provinsie aangedryf word, is 85% van die fonds se blootstelling in Gauteng, KwaZulu-Natal, Wes-Kaap…