Finweek - Afrikaans 21-Jan-16

daar is vandeesweek ná pres. Barack Obama se jongste staatsrede op Twitter gespot dat ongeag hoe edel sy drome is, die Republikeinse Party hom sal kritiseer. Obama: “Ons wil kanker genees.” Die Republikeine: “Nou wil hy nog kanker ook van julle wegvat!” Die debat die afgelope twee maande in Suid-Afrika oor alles van Nhlanhla Nene se afdanking tot Penny Sparrow en haar soort se onregverdigbare opmerkings oor ras het ietwat soos die Republikeine se reaksie hierbo gelyk – mens kan bloot wanhopig sug. Die siening van Sim Tshabalala, baas van Standard Bank, oor ras en transformasie wat op 12 Januarie gepubliseer is, was een van enkele welkome uitsonderings. Dit is moeilik om net een paragraaf daarin uit te lig, maar die volgende vind veral weerklank: “Ek meen meer as ooit…

my universiteit het in Julie verlede jaar ’n permanente pos in die geesteswetenskappe geadverteer. Ons het wyd gesoek en in ooreenstemming met ons doel om Stellenbosch as ’n universiteit met internasionale hoë aansien te posisioneer, ’n Amerikaanse burger met ’n doktorsgraad van Oxford aangestel. Toe begin die proses om aansoek te doen om ’n visum. Dit is nou al meer as ses maande ná haar aanstelling. Al was sy veronderstel om in September te begin, moes sy na Amerika terugkeer waar sy middel Januarie, by die skryf hiervan, nog op terugvoering van die departement van binnelandse sake wag. Sy is nie die enigste een nie. Oral in Suid-Afrika betreur universiteite en maatskappye die stadige pas waarteen visumaansoeke verwerk word. Sedert die gewysigde immigrasiewet op 22 Mei 2014 aanvaar is, word…

vir ’n algehele buitestander sou dit lyk asof die ANC se 104de verjaarsdagvieringe in Phokeng, tuiste van die Bafokeng-stam, ’n geslaagde saamtrek was. Die Royal Bafokeng Sports Palace, wat sowat 44 000 mense huisves, was minstens 90% vol toe pres. Jacob Zuma omstreeks halftwaalf met sy gevolg die stadium binnery, uit sy presidensiële voertuig klim en onder dawerende toejuiging ’n sege-ronde om die atletiekbaan stap om die skare te groet. Toe hy meer as ’n uur later die jaarlikse 8 Januarie-verklaring van die ANC se nasionale uitvoerende komitee (NUK) begin voorlees, was die paviljoene heelwat leër, maar dit kan aan die versengende hitte toegeskryf word. Die skare was rumoerig en vir groot gedeeltes van die toespraak was Zuma bykans onhoorbaar, ondanks die enorme luidsprekerstelsel. Maar by tye kon mens die…

Die Skotse bank RBS waarsku kliënte in ’n aantekening om hulle teen ’n “rampspoedige jaar” en ’n wêreldwye deflasionêre krisis te staal, berig The Telegraph. RBS voorspel dat belangrike aandelemarkte met ’n vyfde kan daal en dat olie tot $16 per vat kan tuimel. “SUID-AFRIKA SE UITERS HOË ONGELYKHEIDSVLAK SKEP ERNSTIGE RISIKO’S VIR DIE GEHALTE VAN ONS POLITIEK, VIR DIE STERKTE VAN ONS INSTELLINGS EN VIR DIE STABILITEIT VAN ONS SAMELEWING. DIT VERSWAK SUID-AFRIKA SE SAKEOMGEWING EN ONS LAND SE RISIKOGRADERINGS, WAT WEER ONS VOORUITSIGTE OP VINNIGER EN INKLUSIEWER GROEI IN SUID-AFRIKA EN OOR DIE VASTELAND HEEN SKAAD.” Sim Tshabalala, mede- uitvoerende hoof van Standard Bank, in ’n aantekening aan personeellede waarin hy reageer op die rassismeomstredenheid wat deels veroorsaak is deur Twitter-opmerkings deur Chris Hart, nou geskorste internasionale beleggingstrateeg…

die datagedrewe-distriktepaneelbord (DGDpaneelbord) is die resultaat van navorsing wat in 2012 begin het. Dit stel inligting van meer as twee miljoen Suid-Afrikaanse leerlinge op ’n gebruikersvriendelike manier aan amptenare beskikbaar. Met die maklike toegang tot inligting oor leerlinge en skole wat hierdie platform bied, kan amptenare die steun aan leerlinge sowel as onderwysers verbeter. “Data is belangrik voordat enige organisasie besluite kan neem,” sê Giles Gillett, stigter en besturende direkteur van New Leaders Foundation (NLF), die nie-winsgewende organisasie wat toesig hou oor DGD. Gillett verduidelik hoe DGD-navorsing aan die lig gebring het dat hoewel data in die opvoedkundige stelsel beskikbaar was, daar geen geskikte formaat was om dit te sien en die nodige aksie te neem nie. Internasionale befondsers het ’n vennootskap met die departement van basiese onderwys (DBO), die…

elke keer as die rand beduidend teenoor die dollar verswak, word daar gesê dat terwyl dit op kort termyn voordele vir mynbouaandele en ander uitvoerders inhou, dit op lang termyn sekere nasionale en ekonomiese nadele behels. Verlede jaar het geldeenhede van ontluikende markte, waaronder Argentinië se peso en Brasilië se real, meer as die rand verswak – met 45% en 26%, teenoor die randdaling van 27%. Dit dui daarop dat die daling in die waarde van die rand deel was van ’n wye sektorale siening van ontluikende markte. Die ineenstorting van 10% aan die jaareinde dui egter ook op politieke risiko’s wat Suid-Afrika van ander ontluikende markte onderskei. Bank of America Merrill Lynch sê in ’n onlangse aantekening oor politieke risiko in Suid-Afrika: “Ons meen dat die gebeure in Desember…