SA Hunter/Jagter Mar/Apr 2023

ONDER DIE KAMEELDORING|UNDER THE CAMEL THORN Waarheen is ons op pad? In die ou dae was jag die “sport” (moet dit enigsins die naam wees?) van die rykes, maar vir die armes was dit ’n manier van oorlewing. Trouens, die meeste mense het gejag vir oorlewing om kos op die tafel te sit. ’n Klein groepie welgesteldes het gejag vir hul plesier en die avontuur daarvan. Die gemene faktor, ongeag sosiale aansien, was die ingebore drang – ’n drang wat net ’n jagter sal verstaan. Mettertyd het jag ontwikkel in ’n genot vir die middelklas – ’n fantastiese gebeurtenis. Jag in die vorm van die roekelose uitroei van wild om plek te maak vir bees, skaap en mielielande het mettertyd plek gemaak vir ’n volhoubare model van wild- en veldbestuur…

ONS WIL VAN JÓÚ HOOR! Briewe van ons lesers is vir ons belangrik. Jou insette en opinies, wedervaringe in die jagveld en interessante stories of nuus is altyd welkom, asook jou kommentaar op die tydskrif se inhoud. Stuur jou brief aan marisa@sahunter.org en staan ’n kans om ’n geskenkbewys ter waarde van R1 000 van Safari Outdoor te wen! Hou jou brief verkieslik onder 300 woorde en verskaf asseblief jou naam en kontakbesonderhede. SA JAGTER/HUNTER behou die reg voor om briewe te redigeer en te verkort. JONG JAGTERTJIES – DIE TOEKOMS In die Nov/Des 2022-uitgawe van SA JAGTER/HUNTER het julle my storie “In Oupa se spore” geplaas. Francois het gevra wat lesers dink van die foto’tjie met Ruben en die meerkat wat hy geskiet het. My redenasie is kortliks die…

Over the past few years, pirated copies of SA JAGTER/ HUNTER have been circulated regularly via social media, mostly as a PDF document on WhatsApp. The most recent case was the Jan/Feb 2023 edition. We would like to draw readers’ attention to the fact this is in contravention of the Copyright Act (Act 98 of 1978) and that a breach is punishable with a jail sentence. The act also allows for the publisher to claim civil damages from the transgressor/s for damages suffered. We appeal to our readers not to commit such an offence, even though it may seem harmless to just forward a PDF document to your hunting and shooting friends. The magazine is a business, and just like any other business, our livelihood depends on our product –…

Die afgelope paar jaar is daar gereeld roofkopieë van SA JAGTER/HUNTER op sosiale media versprei, meestal as ’n PDF-dokument op WhatsApp. Die mees onlangse geval was die Jan/Feb 2023-uitgawe. Ons wil lesers se aandag daarop vestig dat dit ’n oortreding van die Wet op Outeursreg (Wet 98 van 1978) is waarvoor tronkstraf opgelê kan word. Die wet bepaal ook dat die uitgewer ’n siviele eis vir skadevergoeding teen sodanige oortreder/s kan instel vir skade gely. Ons doen ’n dringende beroep op ons lesers om hulle nie skuldig te maak aan hierdie misdryf nie, selfs al lyk dit ooglopend onskuldig as jy net die PDF-dokument aan jou jag- en skietvriende stuur. Die tydskrif is ’n besigheid, en net soos enige ander besigheid, is ons bestaan direk aan ons produk gekoppel –…

BUFFELJAGKOMPETISIE 2023 WEN HIERDIE DROOMPRYS TER WAARDE VAN MEER AS R600 000! KOMPETISIE WÉÉR SA GROOTSTE JAGKOMPETISIE OOIT! Die Mosambiek-buffeljagkompetisie van 2022 was ’n reusesukses. Die wenner Lawrence Meintjes en sy vrou Ansu, wat vir hom die wenkaartjie gekoop het, was vergesel van SA JAGTER/HUNTER se redakteur en Gert Booyse, eienaar van Rhino Bullets wat 2022 se hoofborg was. Hulle het ’n ongelooflike ervaring meegemaak in Coutada 11 in Mosambiek, die tuiste van Zambeze Delta Safaris (ZDS). Vanjaar maak ons weer so en die prys is dié keer selfs groter! Ons gaan weer ’n trofee-buffel jag, asook ’n trofee-waterbokbul en ’n trofee-rietbokram. (Die kwaliteit van die waterbokbulle en rietbokramme in die konsessie is ongelooflik – ek het nog nooit so ’n groot konsentrasie van “Rowland Ward”-diere in my lewe gesien…

Gedurende enige rit op die lang paaie deur Suid-Afrika is daar ’n kans dat ’n mens hulle sal teëkom. Met ’n klomp kopvere wat kiertsregop staan, ’n uitsteekstert en lang bene wat onophoudelik heen en weer stap, is hulle onmiskenbaar – sekretarisvoëls. Hierdie ikoniese voëls was eens volop en is gereeld dwarsoor die land opgemerk, maar hulle is deesdae skaars. Oor die afgelope 30 jaar het hul getalle regoor Afrika dramaties verminder en hulle word tans as bedreig beskou (BirdLife International, 2018). Die redes hiervoor is uiteenlopend en sluit ’n reeks moontlikhede in. Grootskaalse veranderinge het die afgelope eeu in hul grasveldhabitat plaasgevind, waaronder die uitbreiding van behuising, ander ontwikkelings en boerderypraktyke. Hierdie veranderinge het gevare meegebring soos kraglyne, windturbines en heinings wat bekende oorsake van sekretarisvoëlsterftes is. Gepaardgaande praktyke…