SA Hunter/Jagter Jan/Feb 2025

2024 was vir baie ’n jaar van uitdagings. As ek net aan die mense in my onmiddellike kring dink, was daar verskeie struikelblokke: Sommige moes met die dood of siekte van ’n geliefde wroeg en ander het terugslae van ’n verskillende aard beleef. Hier en daar was daar darem ook diegene wat die sonstrale van goeie geluk en voorspoed ervaar het. Ek wens daar was meer van laasgenoemde vir almal! Met die aanbreek van ’n nuwe jaar is daar egter ook baie om voor dankbaar te wees. Daar is ’n nuwe jagseisoen wat eersdaags op ons wag en daarmee saam die geleentheid om kosbare en spesiale tye saam met vriende en geliefdes in die bos deur te bring. Daar sal ook kans wees om nuwe toerusting op die proef te…

SKRYF VIR ONS! Dis vir ons by SA Jagter/Hunter-tydskrif altyd lekker om van ons lesers te hoor. Ons waardeer dit egter selfs meer wanneer ons lesers hul tegniese kennis, jagondervindinge of opinies oor jagverwante onderwerpe met ons deel. As julle dus al lankal pen op papier wou sit, moenie huiwer nie! Ons hoor graag van julle en wie weet, in die proses ontdek ons dalk die volgende Hemingway of Ruark en verskyn jou naam eersdaags in ons tydskrif! Ons nooi julle om jul bydraes vir ons te e-pos na johan@sahunter.org. Artikels oor tegniese en geweerverwante aspekte, herlaai, ammunisie, jag of selfs geskiedkundige jagters en jagtogte uit vergange se dae is almal welkom. ONS SIEN UIT NA JUL EERSTE BYDRAES! CONSERVATION THE FASCINATING LAKE TURKANA Lake Turkana (formerly Lake Rudolf), located…

Skemeroggend. In die skraal lig van vroegdag is die vrede wat oor die landskap lê, volkome. Ek sit agter die kruin van ’n rooi duin en kyk deur goue tossels gha-gras hoe die winterson homself bymekaarmaak om te kom aanmeld vir werk. Dis koud, hoewel daar slegs ’n beduidenis van ’n windjie – ek voel hom met my wang – in die spooklig tussen die sandrûe beweeg. Vir die jagter is dit maar altyd iets om op te let; die roeringe van warm en koue lug wanneer die son uitkom of sak. Partykeer kan mens voorspel hoe die lug gaan vloei om balans te vind, partykeer nie. Hoe die luggie trek, bepaal egter waar jou reuk heen waai, en dus ook wat in jou visier kan beland en wat nie.…

Daar is min twyfel dat William Batterman Ruger, oftewel Bill, een van die invloedrykste wapenontwerpers en -vervaardigers ooit was. Vandag se Sturm, Ruger & Co het ’n beskeie begin gehad toe Bill Ruger en sy vennoot, Alex Sturm, in 1949 vanuit ’n gehuurde pakhuis in Southport, Connecticut, begin werk het. Die nuwe maatskappy se eerste produk was die Standard, ’n .22 LR-pistool wat gou só gewild geword het dat dit die basis van die onderneming se toekoms gevorm het. Alex Sturm is in 1951 onverwags oorlede, maar Bill Ruger het voortgegaan en een sukses ná die ander behaal. Sedertdien is Sturm, Ruger & Co (kortweg Ruger) die grootste wapenvervaardiger in die VSA met verskeie besigheidsvertakkinge, waaronder presisie-ingenieurswerke en die industriële giet van verskeie metale. Ruger is ook sedert 1969 op…

Vanguard se foto-, videoen jagtoebehore asook optiese produkte is ná ’n lang wagtydperk weer in Suid-Afrika beskikbaar – uitstekende nuus vir verbruikers! Dit volg op Vanguard Internasionaal se aanstelling van E-Photographic (PTY) Ltd as verspreider vir die Suider-Afrika-streek In die dinamiese wêreld van buitelug-avontuurtogte, fotogra-fie en optika staan Vanguard uit as ’n toonbeeld van kundigheid, innovasie, presisie en uitsteken-de waarborge. Die vervaardiger is by uitstek bekend vir sy uitmuntende toerusting wat aan die hoë verwagtinge van beide professionele persone en entoesiaste voldoen. Die maatskappy se toewyding aan kwaliteit en gevorderde vervaardigingsprosesse onderskei sy produkte in ’n uiters mededingende mark. Die kern van Vanguard se uitnemende vervaardiging is die gebruik van rekenaargedrewe en -beheerde (CNC) masjinerie. Hierdie gesofistikeerde proses maak dit moontlik om komponente met ongeëwenaarde akkuraatheid en konsekwentheid te vervaardig.…

Die voorouerlike Bovidae het kort ná hulle ontstaan 20 miljoen jaar gelede in die Boodontia in Eurasië en die Aegodontia in Afrika verdeel toe dié twee kontinente van mekaar geskei is. Die stam Tragelaphini van die subfamilie Antilopinae, wat die njalas, elande, sitatungas, bosbokke, bongo en die kleiner en groter koedoes bevat, het deur natuurlike mutasie weens onakkurate selverdeling uit ’n voorouerlike antiloop ontstaan. Fossiele van elande word in Frankryk en Afrika gevind, maar die beste rekords kom in sub-Sahara-Afrika voor. Die lewende elande het in Oos-Afrika uit die uitgestorwe Taurotragus arkelli ontwikkel, waarvan fossiele in noordelike Tanzanië aangetref word. Die Kaapse eland (Taurotragus oryx) het eerste ontwikkel en die reuse-eland (Taurotragus derbianus) het 1,6 miljoen jaar gelede daaruit ontwikkel. DIE KAAPSE ELAND Die Kaapse eland (Taurotragus oryx oryx) kom…