SA Hunter/Jagter Jan/Feb 2024

ONDER DIE KAMEELDORING | UNDER THE CAMEL THORN Ons familie was bevoorreg om die afgelope vakansie eers in Mosselbaai en toe in Morganbaai vakansie te hou. My visvangplanne is grotendeels in die wiele gery deur ongure weer (alhoewel ek die reën aangedurf het en deurgedruk het by geleentheid) en gevolglik was daar meer tyd vir sit en staar. Meer tyd vir dink ook. In Mosselbaai het ek een oggend vroeg om die hoek van die meenthuis gestap toe ’n pofadder hard vir my blaas. Ek het in die halfdonkerte lekker geskrik en verstar. Beweging aan my linkerkant het my aandag getrek – die pofadder se geblaas het van ’n paar gewone dikkoppe gekom wat hulle kuikentjie beskerm het. Met uitgespreide vlerke het hulle my duidelik laat verstaan dat ek nie…

ONS WIL VAN JÓÚ HOOR! Briewe van ons lesers is vir ons belangrik. Jou insette en opinies, wedervaringe in die jagveld en interessante stories of nuus is altyd welkom, asook jou kommentaar op die tydskrif se inhoud. Stuur jou brief aan marisa@sahunter.org en staan ’n kans om ’n geskenkbewys ter waarde van R1 000 van Safari Outdoor te wen! Hou jou brief verkieslik onder 300 woorde en verskaf asseblief jou naam en kontakbesonderhede. SA JAGTER/HUNTER behou hom die reg voor om briewe te redigeer en te verkort. WENBRIEF MAKWATHI SE KOLE PRAAT In Hoedspruit ontmoet berge mekaar nooit nie, maar mans doen... veral tydens die jagseisoen. ’n Jagverhaal soos min wat nou al 30 jaar lank sy merk teen die Afrika-horison los, het reeds in 1987 begin toe Daan Kriek…

Die Buffeljagkompetisie van 2023 (sien bladsye 18 tot 25 in hierdie uitgawe) het nie net geld vir die SAJWV ingesamel nie, maar ook vir die teenstropingseenheid (anti-poaching unit – APU) van Zambeze Delta Safaris (ZDS). Zambeze Delta bedryf al etlike jare hier-die teenstropings-eenheid op ’n volgehoue basis en dit is ’n integrale deel van die sukses wat hulle oor dekades in die konsessie behaal het. In die vroeë 1990’s was daar weinig wild oor in die Zambezidelta – die burgeroorlog het sy tol geëis en sonder enige wetstoepassing was stropery aan die orde van die dag. Oor die jare het Mark Haldane en sy span hierdie eenheid opgebou, wat nou al amper 30 man sterk is en die Coutada 11-konsessie daagliks patroleer – te voet, met motorfietse, Land Cruisers en…

NUUS Die departement van bosbou, visserye en die omgewing het op Woensdag 8 November 2023 die Wildsvleis-strategie vir Suid-Afrika in die Staatskoerant gepubliseer. Die dokument is slegs ’n strategie en het ten doel om die benutting van wildsvleis te bevorder deur die ontwikkeling en transformasie van die bedryf. Daar is egter nog steeds geen wysigings aan die wildsvleisregulasies gepubliseer nie. Sonder die nodige wildsvleisregulasies is die einddoel van die strategie nie haalbaar nie aangesien die nodige bemagtiging nie sal kan plaasvind nie. Gaan lees gerus die strategie op die SAJWV se webblad, www.sahunters.co.za, onder die hofie Oktober-nuusbrief.…

NUUSBROKKIES | NEWS SNIPPETSSNELVUURWEN WEN!!! Kort op die hakke van ons uiters suksesvolle buffeljagkompetisie bied ons ’n geleentheid waarna elke jagter smag – ’n jag in die Kalahari! Daar is min plekke in Suider-Afrika wat ’n jagter se hart so vinnig laat klop as die Kalahari. Die rooiduine, oorverdowende stilte, versamelvoëls, kameeldo-ring- en witgatbome, springbokke, gemsbokke en hartbeeste wat in jou geestesoog opdoem, laat jou hunker na dié bestemming wat hoog op elke jagter se wenslys is. Jagplek in die Kalahari is deesdae skaars en enigeen wat ’n gunstelingbestemming het, deel nie sommer die nommer van die eienaar met iemand nie. Wel, hiér is jóú kans! Ons Kalahari-jagkompetisie het vroeg in November afgeskop. Die jag vind plaas van 22 tot 26 Mei 2024 op 34 000 hektaar in die rooiduine…

Vrydag 8 Desember 2023. Ek parkeer die Land Cruiser net onder die kruin van ’n lae randjie, haak my .30-06 oor my skouer en stap versigtig oor die randjie om in ’n vlak kommetjie vir ’n blouwildebees of rooihart-bees te soek. Nie een van die twee spesies is teenwoordig nie, maar wanneer ek om ’n jong soetdoring loer, staan daar ’n buffelkoei met ’n opgeskote kalf 20 treë weg vir my en loer en dan hoor ek ’n gesnork en ’n reeks harde klapgeluide. Ek maak ’n U-draai en gaan haal my kamera in die Cruiser. Twee buffelbulle, ’n ouer bul (so sewe of agt jaar oud) en ’n jonger maar heelwat groter bul, pak mekaar. Die rede vir die geveg is vermoedelik ’n koei op hitte. ’n Derde, jonger…