SA Hunter/Jagter Nov/Dec 2023

ONDER DIE KAMEELDORING | UNDER THE CAMEL THORN En net so, poef!, kom ons aan die einde van nog ’n jaar... Die jare snel vinniger verby hoe ouer ’n mens word, dan nie? Die rede daarvoor is eenvoudig met sy wortels diep in wiskunde ge-plant. Dit klink snaaks, maar my skoonpa, Hennie, verduidelik dit só: Wanneer jy vyf jaar oud is, is een jaar ’n vyfde van jou lewe, oftewel 20% – ’n groot deel. Wanneer jy 40 is, is ’n jaar net ’n 40ste van jou lewe, oftewel 2,5% – ’n klein deeltjie wat jou laat voel of die tyd vinniger verbysnel as wat dit moet. Dit is verstaanbaar en gaan oor die persepsie van tyd. Elke jaar dink ek terug aan al die planne en idees wat ek…

ONS WIL VAN JÓÚ HOOR! Briewe van ons lesers is vir ons belangrik. Jou insette en opinies, wedervaringe in die jagveld en interessante stories of nuus is altyd welkom, asook jou kommentaar op die tydskrif se inhoud. Stuur jou brief aan marisa@sahunter.org en staan ’n kans om ’n geskenkbewys ter waarde van R1 000 van Safari Outdoor te wen! Hou jou brief verkieslik onder 300 woorde en verskaf asseblief jou naam en kontakbesonderhede. SA JAGTER/HUNTER behou die reg voor om briewe te redigeer en te verkort. WENBRIEF DANKBAAR OM TE KAN JAG Met verwysing na Francois se redakteursbrief, Wat die veld jou gee (SA JAGTER/HUNTER Sep-Okt 2023). Dit is wáár wat jy sê. ’n Mens moet beplan wat jy gaan jag, mooi kyk na pryse, bepaal wat is waarde vir…

Henk Becker van die Tembo-tak is die gelukkige wenner van die buffeljagkompetisie. Henk se naam is op 8 November 2023 by die SAJWV se hoofkantoor in Inyathipark getrek. Hy wen die jag van ’n trofee-buffelbul, drie waterbokbulle en drie rietbokramme. Die prys dek al Henk en sy metgesel se kostes vandat hulle voet op die vliegtuig sit op O.R. Tambo-lughawe na Zambeze Delta Safaris in Coutada 11 in Mosambiek. Afrikan Tanning & Taxidermy sal die trofeë versorg. Ons vertrek op hierdie opwindende avontuur op dieselfde dag wat hierdie uitgawe op die rakke verskyn. Ons vertel die hele storie van die jag in die Jan/Feb 2024-uitgawe van SA JAGTER/HUNTER. Intussen kan julle ons op Facebook volg vir daaglikse foto’s en hoogtepunte. Kyk na die video van die trekking op ons Facebook-bladsy.…

Kort op die hakke van ons uiters suksesvolle buffeljagkompetisie bied ons ’n geleentheid waarna elke jagter smag – ’n jag in die Kalahari! Daar is min plekke in Suider-Afrika wat ’n jagter se hart so vinnig laat klop as die Kalahari. Die rooiduine, oorverdowende stilte, versamelvoëls, kameeldo-ring- en witgatbome, springbokke, gemsbokke en hartebeeste wat in jou geestesoog opdoem, laat jou hunker na dié bestemming wat hoog op elke jagter se wenslys is. Jagplek in die Kalahari is deesdae skaars en enigeen wat ’n gunstelingbestemming het, deel nie sommer die nommer van die eienaar met iemand nie. Wel, hiér is jóú kans! Ons Kalahari-jagkompetisie het vroeg in November afgeskop. Die jag vind plaas van 22 tot 26 Mei 2024 op 34 000 hektaar in die rooiduine van die hari se hart,…

Die African Snakebite Institute (ASI) en SA Jagters het onlangs ’n samewerkingsooreenkoms gesluit wat aan lede die geleentheid gee om hulle kennis oor slange te verbeter. Met dié ooreenkoms kry lede toegang tot ’n app waarop hulle waarnemings van slange kan aanteken. Die ASI sal hierdie bydraes maandeliks aan SA Jagters verskaf wat weer die inligting vir die vereniging se bewaringsinisiatiewe op nasionale en takvlak kan aanwend. Die Wêreldgesondheidsorganisasie het ’n paar jaar gelede slangbyt as ’n verwaarloosde tropiese siekte verklaar. Die African Snakebite Institute, onder leiding van Johan Marais en sy ervare span, is verbind tot die bewaring van slange, om voorvalle van slangbyt te verminder en om raad te gee by nood- en mediese behandeling van slangbyte. Die ASI is baie aktief op sosiale media en het meer…

SA Jagters het vanjaar weer saam met ander operateurs en beroepsjagterverenigings van Afrika deelgeneem aan die jaarlikse African Wildlife Consultative Forum (AWCF) wat in Windhoek, Namibië, gehou is. Die AWCF bied ’n platform waar Afrika-lande die bewaring en bestuur van wild, volhoubare voordele en beter lewensomstandighede vir mense in Afrika bespreek. Dialoog tussen lande wat ten gunste is van volhou-bare benutting, die jagbedryf en spesialisgroepe soos wetenskaplikes, die IUCN en US Fish and Wildlife Services is bevorder en pertinente besprekings is gehou. Tydens vanjaar se vergadering was daar onder andere beraadslaag oor hoe gemeenskappe voordeel kan trek uit wildlewe en jag; die bestuur en monitor van olifante, renosters en luiperds; konflik en teenstropingsaktiwiteite; en die integrasie van data en moniteringsprogramme oor landsgrense heen. Dit is ’n feit dat gemeenskappe die…